ان عشت فعش حرااااااا

اعزائى ... فية حاجات كتير بنعملها او بندخل فيها واحنا عندنا الرغبة الحقيقية للاصلاح او لفعل تغيير ولاكن بتكتشف ان هناك شروط كتيرة بينها وبين احلامنا سور عالى وان السور دة بيعلى كل يوم وبيقف حائلا بينك وبين اشباع الرغبة فى احداث اى تغيير ولو على المستوى الشخصى ودة بيادى الى حالة من الاحباط وبيعمق فكرة ان مفيش فايدة حتى وان ظهرت مؤشرات تلوح فى الافق البعيد ان الامل فى التغيير قادم لا محال ولان الحالة دى عندى من حوالى كام شهر ...انا قررت ان اتوقف عن اى عمل تدوينى نهائيا وان اقف موقف المتفرج فقط دون الدخول فى صراعات او مهتارات مع اناس اعرفهم او لا اعرفهم وان كنت على المستوى الشخصى سعيد جدا بكل كلمة كتبت فى المدونة وسعيد اكثر بامتداد شبكة علاقاتى الشخصية وبمعرفة اناس كثيرون على درجة عالية من الوعى والثقافة والمسئولية الفكرية ولاكن لابد من الخروج خارج المجتمع التدوينى والمدونة من الان متوقفة او معلقة

احلام بريئة

اسكندرانى ودمى خفيف
ساعات بكون قاسى ..... وساعات
أبقى سخيف


مع الظالم لاأنا طبال ولازمار
ولاهانافق ولا هتييف


ولا بالروح ولا بالدم هاافتدى
سيادتة .. امة دة كلام تخريف



أحب العدل والحاكم العادل ودا
منة إسمى أخدتة صفة وتعريف



أقول الحق مهما يعملوا فيا
وآية يعنى هاأموت شحات
المهم يبقى كفى نضيف


مع الغلبان باأكون جابر
وع الظالم تملى عنيف


احب الارض والخضرة
والنوم فى ضل الشماسى
على البحر فى عز الصيف


واكرة الفقروالفقرى
والجهل والجاهل
وابو العريف



ها أبسط لكم الفكرة
واشرحها واوضحها
بدون لبث ولا تحريف



كلامى بااقولة من قلبى
لاخوانا شباب اليوم
بدون غش ولا تزييف



يعنى ماتبقاش حد تانى
غير نفسك وكن نفسك
بلا تظاهر ولا تكليف

الاختيار الامثل

If you want Iran to get bombed,
vote for Mac Cain !!

If you want Pakistan to get bombed ,
vote for Obama !!


If you want New York to be bombed,
vote for the CIA and/or Oussama !!


If you want Gaza to starve to death,
it makes no difference !!
(anyone of them shall do it)



If you want Baghdad really liberated
take away those foreign-liberators !!

If you want Egypt liberated
take away those foreign-impostors !!



Give us back Palestine and Iraq
and we shall give you Peace
and then
you shall even not need
to bomb anybody !!

حظى

حظي سخيف متعجرف الملامح يابى الإبستام يابى ان يسامح
يقتلني كل يوم يعذبني يشردني يرتكب اشرس المذابح
يسجنني في قفص يملؤه الظلام يحب ان يكون ضدي مكافح
حظي اللعين الاحمق يسير سريعا في طرق التعاسة دون كابح
يجعلني غريبا في وطني يعاملني كالسائح

حديث الكبرياء

من انا ؟ واين انا ؟
كل هذه الاسئله تريد اجابه حلها في لغزها
سأسرد اوصافي فحلها ان استطعت
ها انا في جسد كل عاشق وعاشقه كالوباء
ها انا في غريزة كل رجل لمعانقة النساء
ها انا في تابوت كل ميت يرفض العزاء
ها انا في انين كل جريح يرفض الدواء
ها انا خفيّ لا تراني كالهواء
ها انا كالسكون احتضن المساء
ها انا كالغيوم في السماء
ها انا كدراكولا احب شرب الدماء
ها انا لغز ليس له حل
سؤال ليس له جواب
سأبقى كلمه تخاف لفضها الافواه
سأبقا رجل يبيع للجميع الكبرياء

ثرثرة مع النفس

انا (ا . ش) المواطن المصرى الضاحك الباكى الضاحك فى الماتم الباكى يوم العيد مجنون انا عنيد متامر على الحياة .... اعتبر نفسى حالة او ان صح التعبير رئيس جمهورية نفسى.... عشقت الحياة الى درجة الجنون وكرهتها الى درجة العداء مارست معها كل انواع الزيلة وايضا الفضيلة... اعلنت غضبى عليها مرارا واشهرت سيفى فى وجهها وبارزتها وهزمتنى وفى مواقع اخرى انتصرت عليها عندما تجردت من متاعها عندما عرفت ان متاع الدنيا هو وسيلة لاستمرارها وليس غاية ...مارست فعل الدنيا باشكال كثيرة مرات من داخلها ومرات من خارج اطارها كالمتفرج فقط وكثيرا ما عنفتها وغضبت منها ولاكنى لم اكن يوما ناقما عليها وان كنت اعترف ان كل ما اكتسبة الانسان من رزيلة هو من تعاليم الدنيا ولاكنى وجدت فى الحياة ان هناك امور لا يختلف عليها كثيرون من الممكن ان تفعلها فى الدنيا بدون ادنى شك ان هناك عائد قادم او لا انما هى افعال اذا نجح بعض البشر فى تنفيذها فقد يسعدون البشرية جمعاء.... انى عشقى للحياة ليس بترف انما هية رحلة نستمر فيها الى نهاية مقدارتها وقد وجدت فى الدنيا الحب وبحثت عنة واضعتة ثم وجدتة واضعتة مرة اخرى ... ملعونة تلك الدنيا بلا حب او شريك ولاكن من الجائز جدا ان يكون الحب نتنثل فى اشياء اعمق من الحب الافلاطونى وتجدة فى حب الوطن او حب اشياء محبب اليك فعلها ولاكنك تبقى وحيدا ولا اعرف اذا كان هذا يعتبر انتصار ام انهزام .....
وبدور ع الحقيقة فى عيون كل البشر
وبشيل انا بين ضلوعى احلامى وارتحل
وباقابل فى الطريق اشكال من البشر
عايشين نفس الحكاية
وبالمح فى عيونهم دمعة من بكايا
وبركب بحر عالى
وباسرح فى خيالى
وافوق على السراب
ااااةةة يا امل كداب
خليت حياتنا عذاب
ومتوهنا وراك
ندور ع الحقيقة فى عيون كل البشر
وبدور بالدموع وبدور بالالم
وبحلم بالقلوع وبحلم بالقلم
اكتب بية الحكاية
والقصة للنهاية
واقولها للبشر
وبدور ع الحقيقة فى قلوب كل البشر

من ينقذ الاحلام من مبارك واعوانة

سلملى على مصر ... اخر سلام

سلملي ع الكراريس و ع الأوتوبيس وفرن العيش
سلملي ع العشــــاق ومشـــــيتهم على الكــورنيش
سلملي ع البنت اللي فـاتحـة من زمـــان شـــــــباك
يمكن يعــدّي ابن الحـــــلال لابس هـدوم الجــــيش

سلملي ع الجــرنـان .. موظف شــايله تحت البـاط
سلملي ع الدلـع اللي بيكــهــرب و ع الحـــــركات
يامــــا ألف شـــاعر للعـــيـون والغــــمازات غنّى
سلملي ع الـواد اللي عقله من غـــرامهم شــــــاط

سلملي ع الحـــلــوة وعلى غــنـــوة قــــالتــهــالي
فـاتت عـلـيـهـا ســــنين وتــاه اللـحــن من بــــالي
سلملي ع الصـــــحـبـة و ع الســـــهـيرة وفـلـوكة
مـاشـــية في وسط النيـــل تغني والمـــــزاج عالي

سلملي ع الحــــكايات من الجــــدات و ع البراويز
سلملي على ســـاعة العصارى وضـحكة العواجيز
سلملي على مكنة خـــياطة قـديمـــة في لاظوغلي
سلملي على طـبقين "كـريم كرامِّل" طـعمه لذيـــذ

ســكران و قلبي بالغـنـــــا والفــضــفــضــة والـع
ســكران ببـحـر إســـــكـنـدرية وســـرها البــــاتع
ســكران بليــل القــــــــاهـرة ... سـلّم وســمعـني
دقـة حـوافـر خـيل في عـز الليــل على الشـــارع

وداعا زمن الاحلام

ظهرت في ليله و جوا خيالي أترسمت
و كانت عيونها آيه في الحزن أنشهدت
غابت عني سنين .. سألت عنها صاحب
قالي بني أحلامك تحت التراب أندفنت
الله يرحمها

يا مكتئبين العالم اتحدوا

زهقان و قرفان و حران و مفقوع و متلطش بالأقلام علي معنوياتي و قربت أتجنن من التفكير في حل ظريف مفيد جزري ..... هل هوا ده بقي اللي بيقولوا عليه الأكتئاب ... اللهم أحفظنا يعني بس أنا أعرف أن الأكتئاب ده سرطان النفس ... حاجه مش فاهمها بتقلل كل معدلات النشاط في جسمك و حياتك .... و بتقلل قدرات كتير ... دا غير الحاجات التانيه اللي نتتخنق و تموت قبلك

ما علينا يعني ... أنا مش متخصص في الحوار ده و ممعيش رخصه للفتي و مش من حقي الكلام .... بس أنا بدور علي حل ... يعني لو أنا مكتئب يبقي لازم أعمل ريفريش و أبقي ذي الفل

فكرت كتير و وقفت عند حل مش غريب ... أكيد أكيد أكيد كان فيه واحد مكتئب برضه فكر في الحل ده ..... أصل أنا يعني مش نيوتن المكتئبين عشان آخد بالي من الحل ده ... مش محتاج فكاكه يعني و أحدي هذه الحلول هي الأنتحار ..ماشي

تعالي بقي واحده واحده نفكر في مزايا و عيوب الأنتحار .... ماشي يا معلم

أولا العيوب:

هوا طبعا حرام .... و ده شيء مفروغ منه يعني مش لازم أستشهد بالكام حديث اللي بيتقالوا في المواقف دي و كل الخلق حفظاهم

و بعدين أنا لما هنتحر و أموت .... هلاقي نفسي في النار .... منا ميت كافر يا معلم ... و بعدين أنا مش هربان من الدنيا و أرف الدنيا عشان أتسحل في حوارات النار

النار حر برضه و الناس سايحه في عرقها و فرهضه و تلزيق و قرف ... و بيقولك اليومين دول رطوبه

أنا أجبن من أني أموت فرخه - فعلا - مظنش أنه ممكن أموت بني ادم خصوصا أذا كان البني ادم ده هوا انا


ثانيا المزايا:

تعلالي بقي في مزايا الأنتحار يا برنس

الأنتحار أسرع وسيله للهروب من أي مشكله

مش كل الناس هتزعل عليك لما تموت منتحر

لو كنت شاب هيء و بايظ و ملكش لازمه من الآخر يعني .... أحسنلك تنتحر عشان لو رحت الجنه مش هتلاقي اي حد تعرفه هناك ... أفتكر شعورك و أنت مسافر مع أهلك في حته ملكش فيها صحاب

كل الحريم الجامده اللي بتشوفها في الأفلام هتلاقيها في النار ... أبسط بقي يا عم ... مفيش أحسن من كده

لو ليك في الماسوشيه بقي .... أبسط يا عم ... مش هتلاقي أكتر من العاصين تبستفهم علي زنوبهم و تستمتع بتعذيب النفوس البشريه .. اللي هيا اصلا بتتعذب


أدي مزايا و عيوب الأ نتحار ... يعني لو بتفكر جديا ... أعقلها ... الموضوع بقي بسيط ... يا أما ريح دماغك من الدوشه دي و بطل أكتئاب و فكر في حل تاني .... بدل ما تهرب منه حبه و تلاقيه رجعلك بعد حبه تانيه أقل من الحبه الأولانيه
و يجعله عامر

سؤال منطقي مبني علي معطيات بالنسبه للزمن الراهن من واقع العيشه الزفت واللي عايشنها
يعني أنا بطلت سجاير
و بطلت شيشه من زمان و بشربها تفاريح في المواسم و الأعياد
مليش في الحشيش
ولا الخمور بأنواعها
ولا ليا -لامؤاخزه- في النسوان
ولا حتي متهور في السواقه
السؤال دلوقتي .... حد يقولي هموت أزاي طيب؟؟؟

السادس من اكتوبر ...ومولد سيدى الوطنى

وبدأ مولد سيدى الوطنى وهو- لمن لا يعرف- أكبر مولد فى مصر وعلى عكس مولد السيد البدوى وسيدى الدسوقى فإن مولد الوطنى ليس له موعد، فمرة يقام بمناسبة الانتخابات ومرة بمناسبة المؤتمرات .. تختلف المناسبات والمولد واحد ، نفس البذخ وضجة الإعلام وكاميرات يمسكها أغبياء يصورون بها شيوخ الطريقة الحكومية. ثم يطل علينا الولى بطلعته الكئيبة ووجهه الذى تحلل ليخطب فينا ويهلل ويثير فينا العجب: سبحان من يحيى العظام وهى رميم !!

مولد سيدى الوطنى هو المناسبة التى تأكل فيها الحكومة بعقول الشعب حلاوة ويخرج منها الفقراء بلا حمص. إنه الاحتفال الذى يعدنا فيه شيخ المنصر- عفوا- شيخ الطريقة بمفاعلات نووية تكلفتها مليارات ونحن لا نجد ما نأكله فنصفق من الغيظ حتى تدمى أكفنا.

مولد سيدى الوطنى هو المولد الوحيد الذى يلتقى فيه كهنة الطريقة مع أشبالها. هؤلاء الشيوخ الذين بلغوا من العمر أرذله والذين برعوا فى تجارة الكذب وبيع الأوهام- وقت أن كان لدى السياسيين شيئا من حمرة الخجل تدفعهم لمداراة فسادهم بالكذب- جالسون كالمومياوات يسبحون بحمد الرجل الكبير و يشعلون بخور النفاق، بعضهم صار كتمائم الحظ مجرد "بركة" ليس أكثر.

أما الأضواء الكاشفة فمسلطة على وجوه الصغار.. إنهم اكثر وقاحة.. لا يخافون ولا يختشون ، فى عيونهم بريق النهم، يخيل إلى المرء أن عباءة أحدهم قد حيكت من ذهب ومرمر وهو يجلس كالنمرود منتفخ الأوداج وقد أضاف لحريمه امرأة جديدة كتب لها مؤخرا ربع مليار تقطر دما.. ربع مليار كانت لتزوج ملايين الشباب والفتيات ممن لا يجدون إلى الزواج سبيلا. ولكن هيهات أن يلين قلب من احتكر ثرواتنا واحتقر أحلامنا.

وعلى حصان خشبى يدخل الولى المنتظر.. صغير أبله، سعيد بعباءة الولى تلك التى لن يملاها أبدا وإن نفخوه هواءا ورياءا. يدخل وفى يده سيف محنى يسلطه على رقابنا فلا هو يقتلنا ولا هو يريحنا من كمد الانحناء.

يتحلقون جميعا حول الضريح كضباع جائعة تنتظر الفرائس.. جعلوا أوطاننا أضرحة وجلسوا يوزعون علينا لحوما اقتطعوها من أجسادنا، ويشعلون شموعا من عذابنا ليطفئوها فى أعيننا ويذبحون ألسنتنا على أعتاب سيدنا الولى.

و لم الانتظار ؟ إلى متى سنظل قابعين بالأضرحة مسجونين فيها ؟ إلى متى سنتركهم فى طغيانهم يعمهون ؟ أقوات أولادنا فى أيدى مجاذيبه فما الذى يمنعنا أن ننتزعها منهم ولماذا السكوت وقد وجب الكلام؟

اللهم أحيي قلوبنا بعد إذ أماتوها وأعن الدراويش فى نضالهم ضد الولى.. وآخر دعواى أن اللهم أمت الوطنى ليحيا الوطن.

How could I complain

How could I complain about any "nice legs" ??
but , it seems to be
the only thing "nice"......about her !!

she said :
" I never hesitated one second about going to war
into Iraq" ...unquote

Would you have her as : "Vice-president"
or simply as
the President of all the vices ??

عفوا مبارك العفو عن ابراهيم عيسى لن ينحينا عن محاكمتك ولن نعفوا عنك

المناضل....ليوسف المنيلاوى

صديقى الشاعر المهموم بهموم هذا الوطن يوسف المنيلاوى شاعر ذو قدرات خاصة فكل الشعراء لديهم الموهبة ولاكنة يمتلك مهارات وادوات تجعلة يقف فى الصفوف الامامية مع الشعراء الذين يصدق عليهم القول انهم اصحاب موقف وقضية فى الحياة ولان شهادتى تعتبر مجروحة فى صديقى يوسف المنيلاوى فلن اتطرق الى الحديث كثيرا عنة ... ولاكنة قد اختص مدونتى بهذا النص الرائع المبدع المحزن فقد انفعل المنيلاوى بالحكم على ابراهيم عيسى ولان الماساة تخلق ابداع فقد ابدع يوسف المنيلاوى بهذة القصيدة....


إكسروا قلم الشريف
إقطعوا لسانه العفيف ..
إبتروا كفـُّه النضيف ..
كمّمُوه .. إسجنوه ..
إحبسونا كُلنا ..
إبراهيم عيسى المُناضل
صوته فاضل ..
من تعبنا وبؤسنا ..
كلمة الحق إلي طالعة
من حشانا وقلبنا
إكسروا كل الغصون
خلّعوا كل الضوافر..
وإسرقوا النور مـ العيون ..
إملوا بـينا المُعتقل ..
نوّروا بـينا السجون ..
مش حنركع أو نهاد ن ..
مش حنُسكُت أو نخُون
إحنا رغم البؤس خيرها
وعزَّها
إحنا طين الأرض وإحنا
زرعها ..
إحنا نيلها .. وإحنا نورها
وشمسها ..
إحنا طولها ..
وإرتافعها وعرضها
فـ الليالي السود .. عيونها ..
في المآسي الروح .. تصُُونها
وعـ اللي باعوا نهدَّ ها ..
إحنا جمّيز الغيطان ..
إحنا لوز القُـطن وإحنا
السنديان ..
وإحنا صوت الله وأكبر
في المعارك والميدان ..
إحنا منها ..وهي منَّا
وكُلنا فيها إبراهيم ..
إحنا كلمة حق ..
إحنا قوله : لأ ..
طالعة صافية مـن الحناجر
إحنا فوق كل المنابر ..
يا إبراهيم .. يا النديم
يا الشُجاع .. يا العظيم
كل عام وانت إللي حُرْ ..
كل عام ..
دايما تسُرْ ..
كل عام
وانت الكابوس حـنظل ومُرْ
كل عيد وانت الضمير ..
تبقى جوَّه .. تبقى برََّه ..
الفوارق انت عارف ..
مش كتير

يوسف المنيلاوي

الملل

دولا يا سينا ولاد الشهدا... دولا التار لا ينام ولا يهدا

تحية اعزاز وتقدير لهذا اليوم العظيم السادس من اكتوبر تحية لكل شهدائنا الابرار تحية لكل ابائنا الابطال الذين شاركوا فى صنع هذا النصر تحية اجلال لصناع هذة الحرب من قادة وضباط وجنود تحية لكل ام قدمت رجل يدافع عن الوطن تحية اعزار وتقدير لكل صناع هذة الملحمة التى كادت ان تظل اخر ملاحم النصر لهذا الشعب قبل ان يتامر علية الخونة وقبل ان يتحول الى شعب مسالم مستانس....ان حرب اكتوبر كانت من اجل التحرير والتحرير كلمة مشتقة من الحرية...فيا من حاربتم وانتصرتم من اجل الحرية اين انتم من الحرية الان وفينا من يسجن من اجل كلمة او مقالة او قصيدة...يا صناع السلام ان الشعب المصرى نفسة لطواقة للحرية منذ حرب اكتوبر...فهل من مجيب

سيادة المشير حضرتك كذاب وعيب كدة وكفاية فضايح الالمان بيقولوا بدون اطلاق طلقة واحدة عيب قوى لما يكون قائد الجيش المصرى كاذب

وزير الداخلية الألماني: الخاطفون افرجوا بانفسهم عن الرهائن في مصر
واكد وزير الدولة الالماني للشؤون الداخلية اوغوست هانينغ الثلاثاء ان خاطفي السياح الاوروبيين الاحد عشر الذين افرج عنهم الاثنين في مصر "اطلقوا سراح هؤلاء بانفسهم".

وصرح هانينغ لقناة "ان تي في" التلفزيونية ان "فئة من الخاطفين كانت قتلت او اعتقلت من جانب قوات الامن السودانية. عندها افرج (من تبقى من) الخاطفين بانفسهم عن الرهائن".

من جهة اخرى اكد الوزير الالماني ان "قوات خاصة (المانية) كانت توجهت الى مصر للمساعدة في عملية الافراج اذا اقتضت الحاجة لكنها لم تضطر الى التدخل".

وكانت وزارة الخارجية الالمانية تحدثت بدورها عن هذا الامر.

وذكرت مصادر في الاجهزة الامنية الالمانية ان ستة خاطفين قتلوا الاحد فيما كانوا يحاولون عبور حاجز من دون الرهائن مؤكدة اعتقال اثنين منهم.

واضافت ان الخاطفين يتحدرون من "قبائل محلية تعمل" على تخوم الحدود المصرية والسودانية والتشادية والليبية.


شاهد وصول الطائرة العسكرية المصرية تحمل الرهائن المحررين (2) .. (خاص - الجزيرة)


واوضحت الوكالة ان "عملية الافراج تمت من دون اطلاق رصاصة واحدة. وقد ركزت قوات الامن المصرية على +استعادة+ ومساعدة السائحين الذين كان قد افرج عنهم من قبل الخاطفين الذين شعروا بأنهم محاصرون وتخوفوا من عملية وشيكة".

واشارت الى ان "قوات الامن المصرية وحدها نفذت العملية" حتى لو ان "عناصر من اجهزة الاستخبارات وفرقة كوماندوس ايطالية كانوا موجودين لمتابعة تطور الوضع".

وذكرت الوكالة ان "الخاطفين قرروا على ما يبدو التخلص من الرهائن بسبب الضغط المتزايد الذي كانوا يتعرضون له في الايام الاخيرة وخصوصا على اثر تبادل اطلاق النار الاحد" الذي قتل خلاله احد الخاطفين.

وكان وزير الخارجية الايطالي فرانكو فراتيني اعلن ان ليس في وسعه "اعطاء معلومات عن ديناميكية" الافراج عن الرهائن لكنه يستطيع ان ينفي "نبأ دفع فدية".

من جهتها افادت صحيفة بيلد الالمانية ان خاطفي السياح الاوروبيين الاحد عشر الذين تم تحريرهم في مصر فروا تاركين رهائنهم عندما ادركوا ان الهجوم وشيك.

واكدت الصحيفة الشعبية في عدد الثلاثاء ان "عناصر من وحدات نخبة الشرطة الالمانية جي.اس.جي 9 وكومندوس من القوات الخاصة كاي.اس.كاي كانوا مستعدين للتدخل قرب الحدود بين تشاد والسودان" لمساندة القوات المصرية "لكن تدخلهم لم يكن ضروريا لان الخاطفين تركوا رهائنهم يفرون وهربوا بدورهم عندما ادركوا ان عملية افراج بالقوة باتت وشيكة".


عودة السياح الالمان الى بلادهم
ووصل السياح الالمان الخمسة الذين خطفوا في مصر قبل عشرة ايام صباح الثلاثاء الى برلين وهم بصحة جيدة كما اعلنت وزارة الخارجية الالمانية في بيان.

وذكر البيان ان اقرباء لهم كانوا ينتظرونهم لدى وصول طائرة الشركة الالمانية لوفتهانزا التي استؤجرت خصيصا لنقلهم.

وكان برفقة السياح الذين خطفوا مع ايطاليين ورومانية واحدة افراد من قوات التدخل الالمانية الخاصة "جي اس جي 9" وخبراء في الشؤون اللوجستية والقوات الخاصة في الجيش كما اوضحت الوزارة.

وتمت تعبئة هذه القوات الخاصة لتقديم المساعدة في عملية الافراج عن الرهائن في حال الضرورة لكنها لم تضطر الى التدخل بحسب البيان.

وفي روما كانت الحكومة اعلنت ايضا عن تعبئة عملاء سريين وعناصر من القوات الخاصة الايطالية للتدخل.

واعلن مصدر اوروبي رفض كشف هويته ان عملية الافراج عن الرهائن كانت تبدو "عملية استرجاع" اكثر منها "هجوم بمعارك".

وقال مسؤول امني مصري ان ثلاثين عنصرا من القوات الخاصة المصرية شنوا على متن مروحيتين هجوما قبيل الفجر فقتلوا نصف الخاطفين ال35. وتابع المسؤول رافضا كشف هويته ان "تبادل اطلاق نار وقع وقتل اثره نصف الخاطفين فيما تمكن المتبقون من الفرار".

وقد اختطف 11 سائحا وثمانية مرافقين مصريين في 19 سبتمبر اثناء رحلة في الصحراء على متن سيارات رباعية الدفع عند سفح جبل عوينات على مثلث الحدود المصرية -السودانية-الليبية.

واحتجز الرهائن طيلة عشرة ايام في الصحراء وبحسب مصر فقد تم تحريرهم بيد فريق كوماندوس في تشاد لكن نجامينا نفت هذه الرواية.

اتخنقت

تسافل السلطة فى التعامل مع ازمة الحريات

اللى تهزة اشاعة موتة عيسى بقلمة داس جبروتة....هذا هو شعار الحملة القادمة فيا اهلا بالمعارك ... ان الصراع القادم هو صراع الحرية فقد ظلت مصر حبيسة الجهل والتاخر والفقر طيلة الربع قرن الماضى فلم يكتفى النظام بفسادة فقط انما سعى جاهدا لافساد كل اجهزة الدولة وقد نجح فعلا فى اغراقها فى بحور الفساد وكنت قد كتبت يوم حكم العبارة نعى انعى فية القضاء المصرى الذى انتقل الى بارئة بعد صراع طويل مع المرض ولاكنى اليوم لن انعى الحريات فالحرية مازلت باقية وسنصارع من اجلها واننا ماضون فى طريقنا الى حيث وجدت الحرية... وان كنت ارى ان الرئيس الذى تهزة شائعة موتة ويقدم كاتبها للحكم والسجن هو رئيس جبان ولا يجب ان يكون بيننا هذا القائد الجبان المتخاذل فباللة عليكم كفى تحدثا عن بطولااتة وعن ضربتة الجوية التى اخرست العدو.... اننى كمواطن مصرى اشعر بامهانة والمرارة كلما ادركت ان هذا الرجل الجبان ظل يجكم فينا ربع قرن....ولاكنى مازلت ارى رياح الحرية قادمة

عيد مبارك...وشهرين سجن....ويوم اسود فى تاريخ مصر حرية الراى

عزيزى ابراهيم عيسى... اخى جاوز الظالمون المدى وختم الله على قلوبهم وابصارهم واسماعهم ففى العشر الاواخر من رمضان الذى قال عنة الرسول الكريم ان فى اخرة عتق من النار حكم عليك بالسجن وانى اعتبر هذا الحكم هو يوم اسود ولطمة اخرى على وجهة الحريات واصحاب الراى فسحقا لهم واهلا بك لتنضم وتنال شرف انك من سجناء الراى والحريات وعاشت مصر حرة والحرة قصقصوا ريشها وحطولها حواجز

كل سنة وانت طيب واحنا .....لا

بمناسبة حلول عيد الفطر الماسي، تعلن كتائب الشهيد ماس كهربائي، الجناح العسكري لحركة مصر بتولع بينا المحزوءة عن تقديم هدايا علبة كحك وجركن جاز وسخ لكل مواطن
عيدكم مبارك غصب عن عين ابوكوا

مش قولتلك المركب غرقت منك يا قبطان ... حاتعيد ازاى والبلد غرقانة فى احزانها روح يا شيخ اللة يخرب بيت امك

ترددت أنباء عن غرق مركب صيد يحمل قرابة 80 شاباً كان في طريقه إلي جزر اليونان الجنوبية. أكدت المعلومات أن مركز الصيد ويدعي «المتوكل علي الله» غادر ليلة الاثنين الماضي من ساحل بلطيم الغربي، وعلي متنه 80 شاباً من محافظات الشرقية والمنوفية والدقهلية والغربية، وكان آخر اتصال بين أحد المهاجرين وأسرته في الواحدة بعد منتصف ليلة الإثنين. وأكد أحد سماسرة الهجرة غير الشرعية لأهالي الشباب أن المركب كان من المفترض أن يصل إلي جزر اليونان في ليلة الأربعاء الماضي، وهو ما لم يحدث بناء علي تأكيدات من آخرين كانوا في انتظار المركب في جزر اليونان، وهو ما يعني أن المركب تعرض للغرق في مياه البحر الدولية.
من ناحية أخري تم انتشال جثمان إحدي ضحايا رحلات الهجرة غير الشرعية في سواحل مرسي مطروح، وتم التعرف علي الضحية، ويدعي سلطان خليل عبدالرازق «37 سنة» من قرية الخصوص بمحافظة القليوبية. وأكدت التحريات أن الضحية كان ضمن ضحايا المركب الذي غرق وكان علي متنه 83 مهاجراً غير شرعي، وأقلع من منطقة الشروق بالإسكندرية، وكان في طريقه إلي سواحل إيطاليا الجنوبية إلا أنه تعرض للغرق في 17/9/2008.
وتكثف أجهزة الأمن جهودها لإلقاء القبض علي «علي السعداوي» بعد أن أكدت التحريات أنه السمسار الذي كان وراء الكثير من عمليات الهجرة غير الشرعية، بمقابل مادي يتراوح ما بين 35 و50 ألفاً للفرد، يتم دفع 10 آلاف جنيه كمقدم والباقي يتم سداده فور الوصول إلي شواطئ جنوب أوروبا

المركب غرقت منك يا قبطان

وادى حريق تانى وادى مصيبة تانية ....حريق المسرح القومى...وادى فشل اخر للتعامل الامنى مع الحرائق...هية البلد بتتحرق من اية ...غضب من ربنا يعنى ولا غباء واهمال ولا دة مقصود بفعل فاعل .... الايام الحلوة متتنسيش ابدا وايامانا الحلوة بدءات خلاص من حريق الشورى لكارثة الدويقة لحريق القومى ...اللهم انك عفو كريم حليم واعفوا عنا وياما تاخدهم يا تاخدنا بس مش معقول اننا نصحى كل يوم على مصيبة مش معقول ان البلد بتتحرق وهما هما نفس الناس اللى بيظهرو فى التليفزيون من سنين علشان يطمنوا الناس ومفيش حد فيهم اتغير وبعدين السؤال هوة الباشا وزير الداخلية واو كبير العسس مبيظهرش خالص لية ...اية لية ....اة .. فى العمرة...حيكفر على اية ولا اية...وعيد سعيد

للة حمد وكلنا لله عبد...والف سلامة عليك

مولاى انى ببابك

مولاى انى ببابك قد بسطت يدى...من لى الوذ بة اياك يا سندى...مولاى يا مولاى
لا املك فى تلك الايام المباركة الا ان اتضرع الى الله راكعا ساجدا داعيا لة ان يستجيب دعائى وان لا يحملنا مالا طاقة لنا بة وان تمر الايام او الساعات القادمة بسلام ورغم عدم رغبتى فى التدوين لاكنى قد وعدت احد المقربين منى بالتدوين حتى يتثنى لة قراءة ما اكتبة داعيا المولى ان يشملة بعفوة ويعفو عنة ما اصابة فى تللك الايام المباركة

ادعوا يا شعب وقولو يارب....ياخدهم

الدويقة...ويعوض اللة

--------------------------------------------------------------------------------

قصر السلطان عالي البنيان
حَجَرة بفضة و حَجَرة بمرجان
و أراضي بتاع ألفين فدان
اسمها بستان
مليان أجراس .. مليان حراس
بقلوب ملهاش شبابيك و بيبان
جدران تولد في الليل جدران
و ده كله واقف على عمدان
أمال ازاي يبقى السلطان

قصر الوالي طبعا عالي
مليان حتى لو الكون خالي
بدهب و فاروز .. و كنوز في كنوز
و ان شبعت بطنه اليد تعوز
و ان عازت يده السرقة تجوز
يضحك نبكي إحنا طوالي
أمال ازاي يبقى الوالي

و بيوت الناس .. لا حيطان ولا ساس
ولا ليها لون و لا ليها مقاس
و حيطانها طين .. أصواتها أنين
و غناها حزين

الدويقة

مسكوا دماغى كشفوا عليها ..قالوا صعلوك لاكن ابن ذوات

مهما عملوا فيكى الكلاب.... برضة بنحبك

التدين البديل

: :

ظاهرة التدين البديل

مقالة علاء الأسوانى

فى جريدة الدستور فى 23/7/2008

هل نزل الإسلام من أجل تغطية شعر المرأة؟



فى العام الماضى، هاجم الوزير فاروق حسنى الحجاب فوقف أعضاء الحزب الوطنى فى مجلس الشعب يدافعون بضراوة عن الحجاب والمحجبات. وبلغ الحماس بأحدهم أن صاح فى وجه فاروق حسنى (أنت فتنة على الإسلام) ثم سقط مغشيًا عليه من فرط الإنفعال... ووجدتنى أتساءل: إذا كان ممثلو الحزب الحاكم يحرصون على الإسلام إلى هذا الحد.. ألم يفكروا قط فى أن تزوير الإنتخابات وإعتقال الأبرياء وتعذيبهم وهتك أعراضهم ونهب أموال المصريين وإفقارهم وغيرها من الجرائم التى يرتكبها النظام الذى يمثلونه لا يمكن أن تتفق مع مبادئ الإسلام.



من المعروف أن كثيرًا من ضباط أمن الدولة ملتزمون دينيًا، يؤدون الصلاة فى أوقاتها ويصومون ويحجون إلى بيت الله.. لكن ذلك لا يمنعهم أبدًا من ممارسة عملهم اليومى فى التعذيب والضرب وإستعمال الكهرباء فى صعق المعتقلين....



فى نفس السياق تربطنى علاقة مصاهرة بمسؤل بارز فى الحكومة إشتهر بتزوير الإنتخابات والإعتداء على إستقلال القضاء وهو معروف فى محيط الأسرة بتدينه العميق حتى إنه يعطى أقاربه دروسا فى الفقه...



الأمثلة لا تحصى: كثير من المصريين يؤدون فرائض الدين بإخلاص لكنهم فى حياتهم اليومية يتصرفون بطريقة أبعد ما تكون عن الدين.... فى شهر رمضان الماضى نشرت جريدة المصرى اليوم تحقيقًا ممتازًا عن المستشفيات العامة ساعة الإفطار، حيث إكتشفت أن معظم الأطباء يتركون المرضى بدون رعاية حتى يتمكنوا من أداء صلاة التراويح، الذين يفعلون ذلك ليسوا جهلاء بل هم أطباء متعلمون لكنهم ببساطة يعتبرون أن صلاة التراويح أهم بكثير من رعاية المرضى حتى ولو كانت حياتهم فى خطر...

المسألة إذن ليست مجرد نفاق أو جهل.. وإنما هى وعى فاسد بالدين يؤدى إلى نوع من التدين الظاهرى الذى يشكل بديلاً عن الدين الحقيقى.



وهذا التدين البديل مريح وخفيف ولا يكلف جهدًا ولا ثمنًا لأنه يحصر الدين فى الشعائر والمظاهر.



فالدفاع عن مبادئ الإسلام الحقيقية: العدل والحرية والمساواة. مسألة محفوفة بالمخاطر فى مصر ستؤدى بك حتمًا إلى السجن وقطع الرزق والتشريد. أما التدين البديل فلن يكلفك شيئًا: وهو يمنحك إحساسًا كاذبًا بالطمأنينة والرضا عن النفس...



الذين يتبنون التدين البديل يصومون ويصلون ويحيون الناس بتحية الإسلام ويلزمون زوجاتهم وبناتهم بالحجاب والنقاب. وربما يشتركون فى مظاهرة ضد الرسوم الدانمركية أو منع الحجاب فى فرنسا أو يكتبون إلى بريد الأهرام منددين بالكليبات العارية.. وهم يعتقدون بعد ذلك أنهم قد أدوا واجبهم الدينى كاملاً غير منقوص.

وهم لا يكترثون إطلاقًا للشأن السياسى ولا يهتمون بموضوع التوريث.. بل إن بعضهم لا يرى بأسًا فى أن يورث البلد من الأب إلى الإبن وكأنه مزرعة دواجن المتدين البديل لا يعتقد أساسًا أن له حقوقًا سياسية كمواطن وفكرة الديمقراطية لا تشغله وأقصى ما يفعله بهذا الصدد أن يدعو الله (أن يولى علينا من يصلح). ثم يحدثك بحماس عن عظمة الخلفاء العظام مثل عمر بن الخطاب أو عمر بن عبد العزيز.



التدين البديل مرض محزن أصاب المصريين فأدى بهم إلى السلبية والغفلة. وجعلهم قابلين للإستبداد والقمع..



ولم تكن هذه طبيعة المصريين. فمنذ 1919 وحتى عام 1952 خاضت الحركة الوطنية المصرية بقيادة حزب الوفد نضالاً عنيفًا وقدمت آلاف الشهداء من أجل طرد الإحتلال البريطانى وتحقيق الديمقراطية.



والحق أن إنتشار التدين البديل له أسباب عديدة: فحتى نهاية السبعينات كان المصريون مسلمين وأقباطًا أقل إهتمامًا بمظاهر الدين وأكثر تمسكاً بمبادئه الحقيقية حتى جاء أنور السادات الذى إستعمل الدين لترجيح كفته السياسية ضد اليسار المعارض. ثم إندلعت الثورة الإيرانية لتشكل تهديدًا حقيقيًا للنظام السعودى المتحالف مع الفكر السلفى الوهابى.



وعلى مدى ثلاثة عقود أنفق النظام السعودى مليارات الدولارات من أجل نشر الفهم السعودى للإسلام الذى يؤدى بالضرورة إلى التدين البديل.

وكل من يجادل فى هذه الحقيقة عليه أن يراجع التناقض الفاحش بين المظهر والجوهر فى المجتمع السعودى، وفى القنوات الفضائية السعودية يظهر يوميًا عشرات المشايخ الذين يتكلمون على مدى 24 ساعة عن تعاليم الإسلام. ولا يتكلم أحد منهم أبدًا عن حق المواطن فى إنتخاب من يحكمه أو قوانين الطوارئ والتعذيب والإعتقالات...

الفكر السلفى يؤسس للتدين البديل الذى يريحك من تبعات إتخاذ موقف حقيقى من أجل العدل والحرية.





بل إن بعض الدعاة الجدد يفخرون ويفخر أتباعهم بأنهم قد نجحوا فى إقناع فتيات كثيرات بإرتداء الحجاب.

وكأن الإسلام العظيم قد نزل من عند الله من أجل تغطية شعر المرأة وليس من أجل العدل والحرية والمساواة.

على أن النظام الإستبدادى فى مصر قد حرص دائمًا على إنتشار التدين البديل

الرئيس مبارك...كل سنة وانت طيب واحنا لا ...ومازال مسلسل العبارة هو نجم الساحة

أنا ياريّــس من غرقى السفينة السلام- 98 --- بارسل إليك يا ريس

بالرسالة دي عشان أشكرك على زيارتك السريعة للناجين

والمصابين ويمكن يا ريس أنت كنت أسرع من فرق الإنقاذ... طبعا

مش انت رئيس البلد وعندك طيارات وسيارات سريعة..... انا قلت

أكتبلك الرسالة دي اشكرك واقف جنبك وادعمك لأني شايف

وسامع جماعة من المغرضين الشيوعيين او الشيعيين مش عارف

الموضة ايه دلوقتي ...اه اسف الارهابيين بيقولوا انك السبب في

غرق السفينة طبعا ده كلام مش مظبوط لأننا احنا الغرقى السبب


***


احنا اللي حجزنا في السفينة واحنا كمان اللي سافرنا واخدنا

اهالينا وسيبنا البلد عشان قال ايه نحسن دخلنا ونجيب التلفزيون

ابو بوصات كتير ونهرب من الاكل اللي بيجيب سرطانات والدواء

المغشوش وأغذية الأطفال الملوثة,, قال هربنا من ده كله ولما ركبنا

السفينة وغرقت قالوا انت السبب , طيب والريس ماله ليه

الارهابيين الشيوعيين بيقولوا الريس هو السبب! طيب انت يعني

اللي كنت بتسوق السفينة؟ انت اللي طنشت في الانقاذ؟ طيب

انت اللي ما بتعرفش تعوم؟ ياريس سيبك منهم كل دول اهدافهم

واضحة



وعشان أأكد لك كلامي واسد بقهم..... كانت جنبي ام

وابنها حدفهم الموج من على ظهر السفينة والواد ابنها كان ماسك

برميل او حاجة زي كده مش فاكر والام فضلت تعيّط عليه خايفة انه

يقع والواد قالها بعد 30 ساعة تقريبا مش قادر ياماما استحمل


بصراحة ياريس مقدرتش استحمل فضلت انا كمان أعيّـط,, الواد

غرق قدام امه وقدامنا معرفناش نعمله حاجة... وساب ايده

وغرق... مات ياريس


صحيح الريس ماله وليه بيقولوا انه السبب


الام هي السبب والواد ليه متعلمش السباحة مش عمر بن

الخطاب رضي الله عنه قال "علموا اولادكم السباحة...." طيب

حتى لو الواد كان بيعرف السباحة مش لازم يعرف انه مادام

مصري اكيد في يوم حيركب طيارة مصرية أو سفينة مصرية وانه

ممكن يتعلق شهور او سنين بدون استجابة , ليه كل حاجة

بيرموها عليك ياريس طيب عارف انا اللي خلاني اكتبلك الرسالة

دي اني كنت مبسوط قوي وبفتخر قدام نفسي ان الريس زار

الناجين قبل ما يروح يحضر تدريب المنتخب


اول مرة احس اني اعز عندك من الأستاذ حسام حسن والاستاذ

ميدو والباشمهندس أحمد عيد عبد الملك


والله ياريس بيظلموك كتير

انا كنت فاكر اننا غلابة وعايشين على الهامش ومش مهتم بينا


***


عارف الواد الزناتي ده ساكن في البيت اللي في ريحنا في البلد

الواد ده من صغره بيقولوا عليه انه لمض وبتاع فلسفة وبيتكلم في

السياسة كتير وبيشوف الجزيرة ... كان عنده قميص قطن بيتعايق

بيه في كل مناسبة مصنوع من القطن المصري ومغزول في

شركة من شركات المحلة قال ايه صحى الصبح ملقاش القميص

عارف ياريس قال ايه في البلد؟ قال ان الريس باعه زي ما باع

القطاع العام انا طبعا مسكتش وعلى قد فهمي قلتله مش ممكن

ن

يمكن يا واد يا زناتي باعه لابنه الباشا علاء يعني في بيتها...الريس

عارف مصلحتنا ومصلحة البلد حتى لو باع القطاعين مش مشكلة



المهم ربنا يديله الصحة ويدي الباشا جمال والباشا علاء اولاده

الصحة وطولة العمر وكمان الباشا الصغير محمد علاء..... على

فكرة ياريس انا عندي اقتراح ايه رايك نعمل وزارة للباشا الصغير

محمد علاء تهتم بشؤن الاطفال ومشاكلهم وتعينه وزير ويكون

مسئؤل علي كل قنوات سبيس توووون ونربي الجيل الجديد علي

أسس سليمة علمية

والله ياريس انا حاسس بيك وبالهموم اللي انت شايلها علي



اكتافك والناس اللي بتهاجمك دول جهلة مش عارفين حاجة


***


طيب لما السفينة غرقت كان لازم تغرق ليلة الجمعة وانت عارف

اهمية الليلة دي ايه عندنا يمكن اللي قاعد يستقبل الاستغاثة كان

لمؤاخذة نايم او مزوغ, طيب ذنبك انت ايه ؟انت اللي حتسيب

الرئاسة وتقعد بداله . طيب هو في حد قال للسفينة تغرق ليلة

الجمعة

***


وانا قبل ما اغرق يا ريس شفت مشاهد كتيرة قوي ياريس كان

جنبينا بنتين وامهم ماسكين في ايد بعض زي ما يكونوا اتفقوا

على انهم يا امّا يعيشوا سوا او يموتوا سوا

البنتين كانوا لابسين سترات نجاة طبعا هلكانة مش مهم والام

من غير وفضلوا ماسكين في ايد بعض ساعات يعني قول اكتر من

يومين وطبعا محدش جه

الام غطست تحت المية وماقبتش فضلوا البنات يبكوا ويدعوا عليك

وعلى اليوم اللي ربنا بلانا بيك وان البلد رايحة للكوارث

والبنت الصغيرة لمضة زي الواد الزناتي فضلت تتفلسف وتتكلم

وتشتم فيك ...ياريس اصلنا كنا في البحر ساعات ومحدش بيعبرنا

قالوا ايه الاحسن نتكلم في السياسة وفيك , قال ايه البلد

بلد عائلات دلوقتي طيب وماله مش احسن متكون قبايل


***


ولما امهم وقعت وغرقت قالوا الريس السبب طيب ياجماعة ليه

هو الريس كان قالهم ما يعلموش امهم السباحة؟ والام اللي كانت

شايلة بنتها الرضيعة في المية ولان الموج كان عالي البنت

الرضيعة شربت مية وازرقت والموج حدفها بعيد ودلوقتي قال ايه

امها بتقول عايزة من الريس يرجع ليها بنتها... طيب ماله الريس هو

كان قالها تشرب مية مش كان لازم امها تدربها ومتشربش مية

البحر وتشرب مية معدنية


على فكرة ياريس هو بسلامته صاحب السفينة صديق للباشا علاء

والباشا جمال؟ اصل الواد الارهابي الزناتي بيقول... انا اسف يا

ريس.... بيقول ان الباشا علاء مشارك في السفينة صحيح دي

تجارة والباشا علاء ممكن يشارك في كل حاجة في البلد عارف

ياريس لما عرفت كده بقيت اقفل أوضـة نومي احسن الباشا علاء

يشاركني كمان في مراتـي,, معلش ياريس انا بحبك اه بس لغاية

كده ومعرفكش بس انا واثق ان دي اشاعات بتاعة الواد الزناتي

الارهابي الشيوعي اللمض


كمان الواد الزناتي بيقولي ان الريس تبرع بثلاثة مليون جنيه من

كمان الواد الزناتي بيقولي ان الريس تبرع بثلاثة مليون جنيه من

ماله الخاص للبشمهندسين بتوع الكورة ومعاهم الاستاذ حسن

شحاته وبيضرب اسفين قال ايه انه اتبرع من فلوس المحافظة

بمبلغ 15 الف جنيه للناجي وضعفه للغريق

طبعا له كل الحق ناس فرحت الملايين وناس زعلتهم هل يتساووا

في التقدير؟ على فكرة يا ريس متخفش ايوة انا حاسس بيك بتفكر

ان الباشا بوش ممكن يطلب لجنة دولية للتحقيق اصله لو عمل

كده حتكون ملايين اللجان الدولية حتتشكل

متخفش طيب لما الطيارة المصرية اللي وقعت سنة 1999 كان

في لجنة ؟ ولا لما ماتوا 30 شاب واستاذ في مسرح بني سويف

علي فكرة ياريس مين كان السبب .....لمؤاخذة مش قصدي

احرجك ....اسف ياريس اني فكرتك


اقولك على مفاجأة عارف سبب موت الناس في السفينة مش

الغرق ابدا ياريس دول ماتوا بسبب انفلونزا السمك


***


واخيرا ياريس بهديك سلامي وتحياتي ودعائي لك وللبشوات

اولادك واولاد اولادك والدكتور الاستاذ الوزير المحافظ ...محافظ

البحر الاحمر وقريبا حيكون في البحر الابيض.. ومدير الامن العام

والخاص ومدير امن التشريفات وسيادة العميد وابن اخوه وسيادة

العقيد مدير ادارة الغرق وسيادة المقدم الراحل رئيس فرقة الانقاذ

النهري والبحري والرائد المستقيل معاون فرقة الانقاذ السريع

وكل الذين شرفونا بمرافقك يا سيادة الرئيس

وربنا يديك طول العمر ويقصف عمر الغلابة

ويجعله عـــامر

لو عاوز وناوى ارفع ايدك وقول يا رب

يااااااااااااااااااااااااااااااااااااااااااااااااااااااااااااااااااااااااااااااااااااااااااااااااارب

محتاجلك



قال تعالي





وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُواْ لِي وَلْيُؤْمِنُواْ بِي لَعَلَّهُمْ يَرْشُدُونَ





وقال تعالي أيضا





وقَالَ رَبُّكُمُ ادْعُونِي أَسْتَجِبْ لَكُمْ


ماتيجوا نرفع ايدينا بقي

ماتيجوا ننسي كل حاجة

ونرفع ايدينا لربنا

ونسلم له نفسنا

ونقوله يارب

كلمه

قوله يارب محتاجلك

اشكي له

احكي له

ارمي كل حمولك عليه

ليه بعدنا كدة

ليه دموعنا بين ايديه قلت

ليه قلوبنا قسيت
ليه

ماتيجوا نروح له

نخبط علي بابه

نخبط جامد قوي

ماتيجوا نصرخ بعلو الصوت ونقوله

يارب تعبانين

يارب مخنوقين

يارب مالناش غيرك

يارب كل الابواب اتسدت وعشمنا كله في بابك


ماتيجوا نساله

انت راضي عننا يارب

راضي عني يارب

يارب انا عارف اني بشر

والبشر بيغلط وبينسي وبيبعد

لكن انا تعبت من البعد يارب

حسيت اني مش عايش وانا بعيد عنك

حسيت ان الدنيا كل يوم بتلهيني

وبتبعدني

لكن خلاص فوقت وندمت

ندمت علي كل لحظة كنت بعيد فيها

ورجعت

وببكي

وبصرخ

وبقولك ارحمني يارب

توب عليا يارب

بارك خطواتي يارب

يسر لي امري يارب

اشرح لي صدري يارب

خفف همي يارب

لو اصابك خير

برده روح له

واشكره

قوله الف حمد وشكر ليك يارب

لو اصابك مكروه

روح له

قوله صبرني يارب

قويني يارب

ماتيجوا نروح له كل يوم

ان شاء الله خمس دقايق

ساعة الغروب

ااقف اتفرج علي عظمة خلقه

وادعيله من قلبك وقوله

كل حاجة

احكيله كل الي بيمر بيك

اطلب منه الغوث والعون

واتاكد انه لن يخيب رجاءك ابدااا

وصدقني هتعيش مرتاح البال

مطمئن القلب

لانك بدعائك ليه قويت الصلة بينك وبينه

اصبح بينك وبينه عمار بعد ماكان دمار وخراب

هتمشي في الدنيا وانت واثق انك علي حق

مش هتخاف ابداا

هتخاف ازاي وانت حاسس ان ربنا ااقرب ليك من

حبل وريدك

دعوة من قلبي بقدمها لنفسي قبل ما اأقدمهالكم

لو عاوزين الامكم تزول وخنقة قلوبك تخف

لو عاوزين ابتسامة محبة تكون عنوانكم

لو عاوزين الامل في بكرة يعشش علي داركم

ارفعوا ايديكم وقولوا


يااااااااااااااارب

اخبار المرشح للانتخابات الامريكية الجديد....على فكرة دة صديقى وانا حنتخبة

http://www.inews3.com/topstory.php?id=596f75737365667c416c6d616e69616c617779

هشام طلعت مصطفى..لعبوك يا اهبل وباعوك بالرخيص اسفخوس عليك

يعد الكلام في مصر حول اسباب تحريض هشام طلعت مصطفى على قتل سوزان تميم وانما اصبح الحديث الان هو : من باع اشرطة التسجيلات الصوتية التي جرت بين هشام والقاتل لجريدة المصري اليوم خاصة وان هذه التسجيلات من الاحراز الموجودة لدى النائب العام والقضية لم تنظرها المحكمة بعد ولم تصبح الاشرطة مستندات عامة متاحة للجميع

نفس السؤال تم توجيهه بعد ان قام شخص ما ببيع شريط الراقصة دينا وهي تمارس الجنس مع رجل الاعمال حسام ابو الفتوح رغم ان الشريط كان من ضمن احراز النائب العام وفي خزانته ... ومثله ايضا السؤال عن الشخص الذي باع صور المغنية القتيلة ذكرى التي قتلها زوجها وانتحر وكانت الصور من احراز القضية ويفترض انها موجودة في عهدة النائب العام ... لا بل ان صور انور السادات وهو عار تماما بعد اغتياله تم تهريبها الى احدى الصحف المصرية وبيعها للجريدة رغم انها من احراز القضية

مصادر مصرية صحفية طالبت باحالة النائب العام نفسه لتحقيق لانه مسئول عن هذه الاحراز والادلة الموجودة في مكتبه وتهريبها او بيعها تم من قبل كادر مكتب النائب العام وعملية نسخ اشرطة وتوصيلها لجريدة معارضة لا يمكن ان يكون قد تم عن حسن نية

وكانت تحقيقات النائب العام قد كشفت أن المتهم بارتكاب الجريمة محسن السكري، سجل أشرطة عدة لمكالمات هاتفية مع رجل الاعمال هشام طلعت مصطفى يجرى الحديث فيها عن قتل الفنانة المذكورة.وتكشف احدى التسجيلات،التى نشرت الخميس عن طلب مصطفى من السكرى قتل تميم على طريقة وفاة الفنانة سعاد حسني، قبل سنوات من خلال دفعها من شرفة شقتها فى العاصمة البريطانية، لندن، لكى تبدو وكأنها انتحرت.وجاء فى نص احدى المكالمات صوت مصطفى يقول للسكرى "أنا خلصتلك كل حاجة والمبلغ المتفق عليه جاهز والسفر بكره هى "تميم" موجودة فى لندن واتصرف أنت بأه.. دا أنت راجل أمن دولة عيب عليك".وفى مكالمة أخرى، تساءل مصطفى عما جرى فى لندن، فأبلغه السكرى أن الفرصة لم تحن وأنه قرر نقل مكان العملية الى دبي، فرد مصطفى "بس هناك هيكون صعب"، وطمأنه السكري:"لا سيبها على دى شغلتى ياريس".كما كشفت مكالمات أخرى عن ضيق مصطفى بالتأجيل المتكرر لعملية التنفيذ

ونقل محققون عن السكرى قوله أثناء التحقيقات أنه عمد إلى تسجيل هذه المكالمات لتأمين نفسه.وأوضحت التحقيقات، التى أجريت مع السكري، وهو ضابط أمن سابق‏، إن مصطفى ساعده فى المعلومات والبيانات الخاصة بتميم، كما تم التحفظ على مبلغ.طلعت حرضه علي قتلها علي طريقة سعاد حسني

وكانت جريدة المصري اليوم قد ذكرت انها حصلت على ٥ مكالمات هاتفية دارت بين هشام طلعت مصطفي، رجل الأعمال المتهم بقتل المطربة اللبنانية سوزان تميم، ومحسن السكري، الضابط السابق المتهم الأول ولم تذكر الجريدة كيف حصلت على هذه الاشرطة ومن زودها بها وكم دفعت ثمنا لها - ان كانت قد اشترتها فعلا - وفي إحدي هذه المكالمات، نصح هشام «السكري» بالتخلص من سوزان علي طريقة وفاة الفنانة سعاد حسني ودفعها من بلكونة شقتها، وأوضح السكري في تحقيقات النيابة أنه عمد إلي تسجيل هذه المكالمات لتأمين نفسه، وقال: «عشان ما أروحش فيها لوحدي».وتكشف تسجيلات المكالمات عن الاتفاق المبدئي بين هشام والسكري والجوانب المالية، وفي إحداها كان رجل الأعمال يستعجل المتهم الأول إتمام المهمة، خصوصاً بعد إبلاغه بأنه قرر نقل مكان التنفيذ إلي دبي، وأن ما يعطله «أنها فنانة مشهورة وحواليها ناس كتير

جاء في نص المكالمة الأولي صوت هشام يطلب من السكري مقابلته لأمر مهم وصفه بأنه «مسألة حياة أو موت»، وفي المكالمة الثانية، قال هشام «أنا خلصتلك كل حاجة والمبلغ المتفق عليه جاهز والسفر بكره هي موجودة في لندن واتصرف أنت بأه.. دا أنت راجل أمن دولة عيب عليك».وفي المكالمة الثالثة، تساءل هشام عما جري، فأبلغه محسن أن الفرصة لم تحن، وأنه قرر نقل مكان العملية إلي دبي، فرد هشام: «بس هناك هيكون صعب»، وطمأنه السكري: «لا سيبها علي دي شغلتي ياريس

أما المكالمتين الرابعة والخامسة، فقد دارتا حول سبب تأجيل تنفيذ الاتفاق، وقال فيها السكري: إنه في كل مرة يحاول يجد عائقاً يمنعه عن التنفيذ.وقدمت النيابة دليلاً آخر اعتبرته كافياً مع التسجيلات لإدانة المتهمين، إذ ضبطت في منزل السكري ٥.١ مليون جنيه و٣٠٠ ألف دولار مخبأة داخل كيس في فرن البوتاجاز، واعترف بأن هذا المبلغ كان جزءاً من المتفق عليه مع هشام لتنفيذ الجريمة. ونفي محسن السكري في بداية التحقيقات ارتكابه الجريمة، وبالرغم من اعترافه بأن هشام طلعت مصطفي اتفق معه علي قتلها مقابل ٢ مليون دولار، فإنه لم ينفذ المهمة عندما تبع سوزان تميم إلي لندن، ونفي أيضاً سفره خلفها إلي دبي، فواجهته النيابة بتسجيلات الفيديو، التي صورته لحظة دخوله العقار، الذي تسكن فيه بدبي، وعجز المتهم عن الرد

رمضان يعنى ..الشيخ محمد رفعت و النقشبندى وفؤاد حداد وسيد مكاوى ونيلى وشريهان هههههه

يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم
*
مسحراتي
منقراتي
منجراتي
دواليب زمان
ما تشتكوشي
دقة شكوشي
جت في الاوان
يا ناس حبايب
يا ناس جيران
انا قلبي دايب
على البيبان
عجوز شويه
لكن عيني
روحين حنان
لاظني سئ
ولا جبان
درويش واوسطي
وشيخ كمان
وفي عبي قطه
ازاي حتلعب
فيه الفيران
تسـألني بتعب
اقول صراحه
شقاي راحه
قوة حصان
لاجل وعشان
قبول عيالي
في الامتحان
وانا في بالي
حاجات جنان
من الطبالي
اعمل صيوان
وابني لخيالي
اربع حيطان
دا انا في انتقالي
من اولى ساقيه
لسد عالي
لقيت مكان
سيري يا موجه
بالتكنولوجه
لبر الامان
*
المشي طاب لي والدق على طبلي
ناس كانوا قبلي قالوا في الامثال
الرجل تدب مطرح ماتحب
وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي حته من كبدي حته من موال
*
لو ماشي في الصحراء شفت النور اقول انسان
دا انا كل شباك يقيد اشكر لايد انسان
واقول هدتني المناير سبحت للعرش
يا رب من رحمتك مكنت للانسان
يغير الضلمة اما النور ما يتغيرش
*
اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق

رمضان كريم

اسرة المدونة تهنى العالم العربى والاسلامى بشهر رمضان الكريم وكل عام وانتم بخير وحين ياتى رمضان يتاى معة مهنة الشهر الواحد الا وهو المسحراتى سفير فوق العادة يطوف البلدان ليوقظ النائمين وكم كنت اتمنى ان يظل المسحراتى والمصحياتى والمنبهاتى معنا طوال العام لعل ينقذنا من النوم

بإيقاع متناغم رخيم.. وبخطواته الوئيدة الحثيثة المنتظمة مع إيقاع طبلته يقطع سكون الليل.. يطوف المسحراتي الشوارع والأزقة والحارات بفانونسه الصغير وطبلته التقليدية التي ينقر عليها نقرات رتيبة عند باب كل بيت وهو ينادي صاحب البيت باسمه يدعوه للاستيقاظ من اجل السحور فيقول:اصحي يا نايماصحى وحد الدايمرمضان كريم
ويمشي خطوات أخرى ويقف عند باب منزل آخر فنادي اصحى يا أبو أحمد ويقول:
يا عباد اللهوحدوا اللهاصحى يا نايمووحدوا الدايمسحور يا صايم حيث ارتبط شهر رمضان الفضيل بالكثير من المناسبات والعادات والتقاليد التي ظهرت ولم يكن العرب يعرفونها من قبل، مثل شخصية المسحراتي وهو الرجل الذي يطوف بالبيوت ليوقظ الناس قبيل آذان الفجر، أي أنه هو الذي يقوم بعملية التسحير، والسحور أو عملية التسحير هي دعوة الناس للاستيقاظ من النوم لتناول الطعام في ليالي شهر رمضان، ويستخدم المسحراتي في ذلك طبلة تعرف بـ "البازة"، إذ يُمسكها بيده اليسرى، وبيده اليمنى سير من الجلد، أو خشبة يُطبل بها في رمضان وقت السحور. والبازة عبارة عن طبلة من جنس النقارات ذات وجه واحد من الجلد مثبت بمسامير، وظهرها أجوف من النحاس، وبه مكان يمكن أن تعلق منه، وقد يسمونها طبلة المسحر، والكبير من هذا الصنف يسمونه طبلة جمال، ويردد المسحراتي بعض الجمل مثل "قم يانائم وحد الدائم" و"سحور يا عباد الله". لكن بطبيعة الأحوال وبفعل اشتعال الأسعار لم يعد هناك وجود لهذه المبالغ التي باتت من قبيل "الخرافة" لكن بشكل عام لا بد من إطعام المسحر والجود عليه بما تملكه ذات اليد من قبيل الإحسان والابتهال بمحاسن الشهر الكريم . وفى الريف المصري خلال القرن الماضي لم يكن للمسحراتي أجر معلوم أو ثابت، غير أنه يأخذ ما يجود به الناس فى صباح يوم العيد، وعادة ما كان الأجر يؤخذ بالحبوب، فيأخذ قدحاً أو نصف كيلة من الحبوب سواء ذرة أو قمح، ولم يكن أجراً بالمعنى المفهوم، ولكنه هبة كل يجود بها حسب قدرته.
ورغم اختفاء الكثير من الفنون المرتبطة بالمسحراتي سواء في القرية أو المدينة، إلا أن وظيفته الأساسية ما زالت حتى الآن، وهي الإمساك بالطبل أو الصفيحة، والدق عليها بالعصا والنداء على كل باسمه داعياً إياه للاستيقاظ . ولا يزال المسحراتي يحتفظ بزيه التقليدي أثناء التسحير وهو الجلباب، وقد يستخدم الدف بديلاً عن البازة.
فانوس رمضان
فن وأدب على "الطبلة" !
وفي ليالي رمضان المباركة كان يظهر "المسحراتي" كأهم شخصيات هذا الشهر الفضيل، فهو ذلك الرجل الذي يطوف ليلاً بالبيوت ليوقظ الناس لتناول وجبة السحور قبيل آذان الفجر، أي أنه هو الذي يقوم بعملية التسحير. والمسحراتي أحد الشخصيات المحببة إلينا خاصة ونحن في سن الطفولة، فقد ارتبطنا بطبلته الشهيرة وصوته الذي ينادي به ويتغنى لإيقاظ النائمين "اصحى يا نايم وحد الدايم.." بداية كان لحرص المسلمين على طعام السحور، تعدد وسائل وأساليب تنبيه الصائمين وإيقاظهم وقت السحر منذ عهد الرسول والى الآن، فكان المسلمون يعرفون وقت السحور في عهد الرسول عليه الصلاة والسلام بأذان الصحابي "بلال بن رباح"، ويعرفون الامتناع عن الطعام بأذان الصحابي "عبد الله ابن أم مكتوم"؛ فقد قال الرسول عليه الصلاة والسلام "إن بلالا يؤذن بليل فكلوا واشربوا حتى يؤذن ابن أم مكتوم". وفي مكة كان "الزمزمي" ينادي من أجل السحور، وكان يتبع طريقة خاصة، بحيث يرخي طرف حبل في يده يتدلى منة قنديلان كبيران حتى يرى نور القنديلين من لا يستطيع سماع ندائه من فوق المسجد. ومع اتساع رقعة الدولة الإسلامية تعددت أساليب تنبيه الصائمين، حيث ابتكر المسلمون وسائل جديدة في الولايات الإسلامية من أجل التسحير. ويذكر المؤرخون أن المسحراتي ظهر إلى الوجود عندما لاحظ والي مصر "عتبة بن إسحاق" أن الناس لا ينتبهون إلى وقت السحور، ولا يوجد من يقوم بهذه المهمة آنذاك، فتطوع هو بنفسه لهذه المهمة فكان يطوف شوارع القاهرة ليلا لإيقاظ أهلها وقت السحر، وكان ذلك عام 238 هجرية، حيث كان يطوف على قدميه سيرا من مدينة العسكر إلى مسجد عمرو بن العاص في الفسطاط مناديا الناس: "عباد الله تسحروا فإن في السحور بركة". وفي عصر الدولة الفاطمية أصدر الحاكم بأمر الله الفاطمي أمرا لجنوده بأن يمروا على البيوت ويدقوا على الأبواب بهدف إيقاظ النائمين للسحور، ومع مرور الأيام عين أولو الأمر رجل للقيام بمهمة المسحراتي كان ينادي: "يا أهل الله قوموا تسحروا"، ويدق على أبواب البيوت بعصاً كان يحملها في يده تطورت مع الأيام إلى طبلة يدق عليها دقات منتظمة، ويدق أيضا على أبواب المنازل بعصا يحملها في يده.
وقد تطورت بعد ذلك ظاهرة التسحير على يد أهل مصر، حيث ابتكروا الطبلة ليحملها المسحراتي ليدق عليها بدلا من استخدام العصا، هذه الطبلة كانت تسمى "بازة" وهي صغيرة الحجم يدق عليها المسحراتي دقات منتظمة، ثم تطورت مظاهر المهنة فاستعان المسحراتي بالطبلة الكبيرة التي يدق عليها أثناء تجوله بالأحياء، وهو يشدو بأشعار شعبية وزجل خاص بهذه المناسبة، ثم تطور الأمر إلى عدة أشخاص معهم "الطبل البلدي" و"صاجات" برئاسة المسحراتي، ويقومون بغناء أغان خفيفة حيث شارك المسحراتي الشعراء في تأليف الأغاني التي ينادون بها كل ليلة.
المسحراتي-في-تركيا-فتاة
شعر القوما
وفى العصر العباسي في بغداد كان "ابن نقطة" أشهر من عمل بالتسحير، حيث كان موكلا إليه إيقاظ الخليفة الناصر لدين الله العباسي، فقد كان ابن نقطة يتغنى بشعر يسمى "القوما" مخصص للسحور، وهو شعر شعبي له وزنان مختلفان ولا يلتزم فيه باللغة العربية، وقد أطلق علية اسم القوما لأنه كان ينادي ويقول: "يا نياما قوما.. قوما للسحور قوما"، وقد أعجب الخليفة بسلامة ذوقه ولطف إشارته. وعندما مات أبو نقطة خلفه ولده الصغير وكان حاذقاً أيضا لنظم "القوما"، فأراد أن يعلم الخليفة بموت أبيه ليأخذ وظيفته فلم يتيسر له ذلك، فانتظر حتى جاء رمضان ووقف في أول ليلة منه مع أتباع والده قرب قصر الخليفة وغنى القوما بصوت رقيق رخيم فاهتــــز له الخليفة وانتشى، وحين هم بالانصراف انطلق ابن أبي نقطة ينشد: يا سيد السادات لك في الكرم عادات، أنا ابن أبي نقطة، تعيش أبي قد مات، فأعجب الخليفة بسلامة ذوقه ولطف إشارته وحسن بيانه مع إيجازه، فأحضره وخلع عليه ورتب له من الأجر ضعف ما كان يأخذ أبوه.مهنة الشهر الواحد
والمسحراتي يتفرد بخاصية في عمله، حيث يقتصر عمله في ليالي شهر رمضان المبارك فقط، أي أنها المهنة الوحيدة التي يعمل صاحبها شهراً واحداً في السنة، وقد ارتبطت أجرة المسحراتي ببعض التغييرات على مر العقود، ففي منتصف القرن التاسع عشر كانت الأجرة مرتبطة بالطبقة التي ينتمي إليها المتسحر، فمنزل الشخص من الطبقة المتوسطة على سبيل المثال عادة ما يعطى المسحراتي قرشين أو ثلاثة أو أربعة قروش في ليلة العيد، ويعطيه البعض الآخر مبلغاً زهيداً كل ليلة، ولم يكن للمسحراتي أجر معلوم أو ثابت، غير أنه يأخذ ما يجود به الناس صباح يوم العيد أو ما يعرف بالعيدية، وعادة ما كانت العيدية من الحبوب، سواء كانت ذرة أو قمحاً، وأحيانا كثيرة كان يتقاضى أجرته كحك العيد، وبين هذه وتلك لم يكن أجر المسحراتي بالمعنى المفهوم المتداول، ولكنه هبة يجود بها كل صاحب بيت حسب قدرته.مسحراتي.. بنكهة عربية
ومن مصر انتشرت مهنة المسحراتي إلى الولايات الإسلامية الممتدة شرقا وغربا، ليتخذ "المسحراتي" أشكالا مختلفة في كل منها.. فقد كان أهل الشام ذوي طقوس خاصة تحيط بالمسحراتي، حيث كان المسحراتية في الشام يطوفون على البيوت وهم يعزفون على العيدان والصفافير وينشدون الأغاني الخفيفة. وفي عمان يوقظ المسحراتي النائمين على الطبلة أو بالناقوس وهو يقول "يا نائمين الليل قوموا تسحروا .. يا مسلمين السحور يا صائمين" ، وفي الكويت يقوم المسحراتي الذي يسمى أبو طبيلة بالتسحير ومعه أولاده فيردد بعض الأدعية وهم يردون عليه. وفي اليمن يقوم بالتسحير واحد من الأهالي بالحي حيث يدق بالعصا على باب البيت وهو ينادي على أهله قائما : قوموا كلوا، وفي السودان يطرق المسحراتي البيوت ومعه طفل صغير يحمل فانوسا ودفتر به أسماء أصحاب البيوت حيث ينادي عليهم بأسمائهم قائلا " يا عباد الله وحدوا الدايم ورمضان كريم ". أما في السعودية فيوقظ المسحراتي النائمين بقوله " ربي قدرنا على الصيام واحفظ إيماننا بين القوم ، وفي المغرب العربي يقوم المسحراتي بدق الباب بعصاه ليوقظ النائمين.المسحراتي يتراجع
إلا أنه في السنوات الأخيرة أخذت ظاهرة "المسحراتي" في التراجع بسبب كثرة الوسائل العصرية التي تساعد الإنسان على الاستيقاظ دون الحاجة إلى تذكير، كما أن العادات قد تغيرت وانقلبت الموازين، فأصبحت مثل هذه العادات القديمة شيئاً تراثياً بالنسبة للكثيرين، وأخذوا يتسلون بالوسائل الحديثة كالمنبه والتليفون المحمول، وأصبح الكثير من الناس يسهرون حتى الفجر في مشاهدة البرامج والمسلسلات التلفزيونية أو السهرات المتنوعة عند الأصدقاء أو في أي مكان آخر مما أدى إلى انقراض هذه المهنة وغيرها من المهن التي ظلت صامدة لعشرات بل مئات السنين تحت رياح التغيير والعولمة. ولكن لا يزال المسحراتي موجودا في القرية، ووظيفته الأساسية ما زالت حتى الآن الإمساك بالطبلة أو الصفيحة والطرق عليها بالعصا والنداء على كل سكان الحي كل باسمه داعياً إياه للاستيقاظ، ولا يزال المسحراتي يحتفظ بزيه التقليدي أثناء التسحير وهو الجلباب، وقد يستخدم الدف بديلاً عن البازة.مسحراتي..نيو لوك
وبينما تقتصر مهنة المسحراتي في معظم الدول العربية والإسلامية علي رجل واحد يقوم بهذه المهمة، إلا أن دولتي الكاميرون وتركيا تنفرد بظاهرتين فريدتين البطل فيهما المسحراتي ولكن مع بعض التغيرات.. ففي الكاميرون لا تقتصر عملية التسحير على مسحراتي واحد فقط، ولكن يقوم بمهمة التسحير جماعة يتراوح عددها بين 10 و15 فردا حاملين الطبول الأفريقية الشهيرة لإيقاظ السكان المسلمين، حيث تمتاز العاصمة ياوندي بوجود عدد كبير من المسلمين بها، فيظهر المسحراتي في شوارعها خاصة في الأحياء المعروفة بأن أغلب سكانها من المسلمين، وتشير الإحصائيات أن عدد المسلمين في الكاميرون يتراوح من 40% إلى 55% من السكان و ينتشرون بكثافة في الريف الكاميروني. أما في تركيا فإن الفتيات بدأن يكسرن احتكار الرجال لمهنة المسحراتي وأصبحن يشاركن فيها، فمنذ 3 سنوات ولأول مرة في تاريخ تركيا، قامت إحدى البلديات بمحافظة إنطاليا بتدريب خمس من الفتيات على عمل المسحراتي، لكي يقمن بالتجول في الشوارع في ليالي رمضان لدعوة الصائمين للسحور، حيث يتجولن سوياً وهن ممسكات بالطبلة ويتغنين بكلمات وأشعارًا مقتبسة من الأدب التركي .

بدون تعليق

هل أخبرتك يوما عن ........؟!
بالطبع لم اخبرك
قد اكون عجزت عن المعرفة او الفهم و عجزت كل الاشياء المنطقية
ولكني دائما اجيد اللامنطقية
قد استيقظ يوما فزعا من نومي ..فقط لاني اشعر بك تتألم
هل تعلم ان هذا الاحساس يقتلني؟
لااملك سوي الخروج والنظر الي السماء والتضرع الي الله لكي يهون عليك آلامك
اقسمت علي نفسي ان تكون بطل احاديثي
حرمت علي نفسي الشكوي اليك
حرمت علي نفسي مصارحتك
حرمت علي نفسي الكتابة اليك
ولكني مازلت اشعر بك كلما تألمت
ولايشفع لشعوري شواهد سعادتك المزيفة
وأقرأ سورة يس وادعو لك

جوزيف بايدن...نائبا للمرشح الديمقراطى؟؟...احتمال

جوزيف بايدن...سيناتور ولاية دالاوير فى الولايات المتحدة الامريكية بات من المحتمل اذا فاز باراك اوباما ان يكون هو نائب الرئيس وجوزيف بايدن رجل رائع على حق وسياسى محنك وعلاقتة الخارجية متسعة ويحوز على ثقة الكثيرين من الليبرالين العرب وهو رجل حقوقى ويؤمن بحرية الراى والعدالة الاجتماعية ويعتبر بايدن سيناتور ولاية دالاوير واحد من افضل اعضاء الحزب الديمقراطى النشطين جدا فى السياسة الخارجية واعتبر ان وجودة فى المرحلة القادمة كنائب للرئيس الامريكى اذا فاز اوباما سيكون محرك اساسى لتحسين صورة امريكا خارجيا

يوميات رجل مهزوم....نزار قبانى

لم يحدث أبداً أن أحببت بهذا العمق
لم يحدث .. لم يحدث أبداً
أني سافرت مع امرأة .. لبلاد الشوق
وضربت شواطئ نهديها
كالرعد الغاضب أو كالبرق
فأنا في الماضي لم أعشق
بل كنت أمثل دور العشق
لم يحدث أبداً
أن أوصلني حب امرأة حتى الشنق
لم أعرف قبلك واحدة
غلبتني ..أخذت أسلحتي
هزمتني.. داخل مملكتي
نزعت عن وجهي أقنعتي
لم يحدث أبداً سيدتي
أن ذقت النار.. وذقت الحرق
كوني واثقة سيدتي
سيحبك الآف غيري
وستستلمين بريد الشوق
لكنك .. لن تجدي بعدي
رجلاً يهواك بهذا الصدق
لن تجدي أبداً
لا في الغرب..و لا في الشرق

مصر التى فى خاطره وفى كرشة كمان

(أصدر الرئيس مبارك توجيهات بإعادة تأهيل مبنى البرلمان المصري وتحديثه على نفقة الدولة بالكامل، وبدأ عدد من أعضاء الشورى يتقدمهم محمد فريد خميس حملة لجمع التبرعات لعمليات الترميم، وبلغت الحصيلة حتى الآن 1634;1632; مليون جنيه) بس خلي عنكم انتم الاتنين ...لآ أنت ولآ هـــو..... احنا اللي ها ندفع ولو الفلوس كانت طالعة من جيوبكم .. برضه احنا اللي دافعينها وها ندفعها، احنا الشعب اللي مش لاقي رغيف العيش... احنا الشعب اللي مش لاقي يلزقها من فين والا فين... ها ندفعها في الضرايب بعد ما تنضم ليهم ضريبة جديدة اسمها ضريبة الشعب والشورى... واللا في التبرعات الإجباريه... واللا في طوابع البريد.. واللا المتخصصين في جمع التبرعات لبناء الجوامع من المواصلات العامة دلوقت يلاقي عندهم سبب آخر للجمع والضرب والسب والتعسف في حاله الرفض... من ناحية ها ندفعها ما تخافش هتندفع هتندفع...

الرسالة دى بعتها موظف بسيط لمبارك...ممكن حد يرد علية...طب ممكن يا مصر اللى ساكن قصورك يبات ليلة واحدة مجاور قبورك

للسيد الرئيس، محمد حسني مبارك، رئيس الجمهورية، والأب المواطن/ محمد حسني مبارك.. أكتب لسيادتكم رسالتي هذه، بصفتك الحاكم ومسؤولاً عني وعن أسرتي أمام الله. سيادة الرئيس.. أرجو أن تترك منصب رئيس الجمهورية، وتكون المواطن/ محمد حسني مبارك.. هل تستطيع أن تعيش أنت وأسرتك وتدبر أمورها المعيشية بمبلغ ٤٥ جنيهاً طوال شهر كامل؟
هل صادف سيادتك أي من هذه المواقف.. طفل من أفراد أسرتك جوعان ويحتاج طعاماً، وأنت عاجز عن شراء طعام له؟ هل عجزت عن تدبير احتياجات أولادك للمدارس من ملابس وسداد مصروفات وشراء أدوات كتابية؟ هل عجزت عن شراء دواء لمريض من أسرتك، خاصة إذا كانت الحالة حرجة؟ هل عجزت عن شراء ملابس في الأعياد لأولادك وتري الفرحة مرسومة علي وجوه الأطفال عدا أولادك؟
كل هذا وأكثر من ذلك ولو أردت الشرح لن يكفيني ٣٠ ورقة من هذا.. أبلغ من العمر ٦٢ عاماً.. أسرتي ثمانية أفراد.. وأنا وزوجتي مريضان بالقلب.. وفي حاجة لعلاج مستمر ونفقات كثيرة.. أتقاضي معاشاً ٢٩٥ جنيهاً موزعة كالآتي: «٢٢٠ إيجاراً + ١٠ مياه + ٢٠ كهرباء = ٢٥٠ جنيهاً» أسرتي بحاجة إلي إفطار فول وطعمية يومياً بعشرة جنيهات، عشاء جبنة وحلاوة وعيش بـ ١٥ جنيهاً، علاوة علي وجبة الغداء دون لحمة طبعاً.. كيف تعيش أنت وأنا بهذا المبلغ.. وصولي لمرحلة اليأس دفعني لكتابة رسالتي إليك، وأنا في انتظار حكم المواطن أولاً، ورئيس الجمهورية ثانياً، ولو أنني أشك في وصولها لسيادتكم.

على باب مصر

مكتوب على باب بلدنا :يا جيّ مصر... منك كتير ..!!فيها الوزير والغفير ..واللى نفسه يكون وزير..فيها اللى هادى والمدمن جعيرفيها اللى فرحان باللقا ..و اللى مدمن تريقة ..و اللى مطحون م الشقا ..و اللى نايم ع الحرير ..فيها اللى عازف غنوتهواللى عارف سكته ..واللى قادر يحبطه ...ويدوّقه الطعم المرير..فيها اللى شارى واللى بايعواللى واكل واللى جايع ...واللى ضاع بسبع صنايع ..سبع صنايع ..!!مش كتير؟؟فيها اللى مستنى البشاير ..و اللى لافف كعب داير ..واللى ظالم .. واللى جاير ...واللى معدوم الضمير.......فيها اللى مشحون بالأسى ..و اللى غاوى وسوسة ....واللى من صمته اتنسى .....و الصنف ده منه كتير..!!!!فيها اللى عالم بالأمور ..و اللى متأنى وصبور ..واللى يرغى كالوابور..ف كل حاجه كلام وفير..فيها الجميل الأسمرانى ..و الحليوه ....المعجبانى ..و المتيم ...أمريكانى..!!!!و اللى مالك ...و الأجير..فيها اللى دايس ع الزناد ..و اللى حامى للبلاد ...و اللى رافض للبعاد ...وكأنه ف الغربه أسير!!فيها اللى نايم و المصحصح ..و المغفّل ... و....المفتّح ....و المؤدب والمشرشح ...واللى بين ...وبين ....يسير!!فيها اللى قاسى .. و الرحيمو اللى مشغول ب الريجيمواللى أهلاوى و صميم ...و الزملكاوى وخطير . ..فيها اللى همومه كتروا ...و اللى مدمن باص ومترو ..واللى نزلوا بدون ما فطرواكله رزقه ع المجير ...فيها اللى فاهم ..والمقاوحواللى على قلبه مراوح ..واللى سهران واللى صابححامد المولى القدير ...فيها اللى فكره منطقىواللى متوضى ونقى ..و اللى دايما مشتكى ....من أى حاجة ف ايد الغيريا مصر راجع من سكاتعاشق حاجات ..رافض حاجاتوانتى اللى مذكوره ف أياتف كتابه مولانا القدير...ولما شوقنا ليكى خدنالكل حارة ..وكل مادنه ...لقيت كتاب على باب بلدنايا جىّ مصر منك كتير ..وانا اترميت ف حضنهم

رسالة الى الوالى

حبيب الملايين عمرك افتكرت المقهورين الجعانين المذلولين فاكر اللى اتعذبوا من شعبك زى ما بيسمينا المجرمين ولا احنا شعبك ولا انت اشتريتنااحنا شعب مصر عليك غضبانين احنا اللى شوفنا الويل وفى عصرك متهانين احنا اللى سرقتم قوتنا ودمنا بقيتوا بايعين فاكر الاسرى المصريين فاكر العباره والقطر اللى دخل فى عماره فاكر كياس الدم اللى لوثها الفاسدين فاكر المحتاجين والمرضى المطحونين وفى تأمينك الصحى بقوا كلهم مساكين فاكر ولا نسيت سرقه الملايين فاكر اللى هربوا بفلوس المصريين وحماهم اعوانك اللى كلهم فاسدين يا ترى اتعلموها فين اكيد فى مدرستك يا مسكين ان كنت نسيت ده وده يا ترى حاتنسى انك ميت واحنا ميتين يا ترى حاتنسى انك فى الاخره حاتكون من الظالمين يا ترى حاتنسى انك فى الاخره حاتتحاسب عن حق الملايين يا ترى حاتنسى اننا حانكون لك مختصمين عند رب العالمين يا ترى حاتنسى ان النار تنتظرك وانت من الغافلين يا ترى حاتنسى ان الجنه يدخلها الاتقياء المؤمنين يا ترى انت حاسب نفسك منهم ولا من المتكبرين اكيد لازم تعرف ان الله هو العدل الحكم الحسيبوبحقنا كلنا متمسكين فى رقبتك انت يا مسكين

اضغط على اللينك...البديل التى منعت من الصدور اليوم وتؤكد ان هناك شبهة جنائية للحريق

http://www.gaberism.net/wp-content/uploads/2008/08/elbadeel-20-08-2008-P.1.pdf

عظم اللة اجركم فيها

حتى كتابة هذة السطور وانا قاعد حزين على ما اناب مبنى مجلش الشورى المصرى ذالك المبنى العريق الشاهد على مراحل كثيرة فى الحياة السياسية المصرية....ولاكن انتبهت لحظة وقد شاهدت مبنى الضرائب الغير مجاور تشتعل فية النيران والامن منع بعض الموظفين من الدخول لانقاذ الاوراق والمستندات والملفات المهمة وتم منع جريدة البديل الطبعة الثانية من الطباعة فى مطابع الاهرام لنشرها معلومات عن الملفات المحترقة عن ممدوح اسماعيل وهشام طلعت مصطفى واخرين....لو كان دة اللى حصل فعلا بالاضافة الى الفشل الحكومى فى التعامل مع
الحريقة يبقى فية سؤال مهم...لو دة حصل فعلا يبقى للدرجة دى يا ولاااااااااااااااااد الوسخة البلد هانت عليكم للدرجة دى يكون التواطئ البلد اللى اخذتوا منها كل غالى ونفيس وعملتكوا نجوم اعمال وسياسة للدرجة دى....تحرقوا البلد....مصعبتش عليكوا ...دة الغلابة اللى طالع دين ابوهم فيها زعلانين على المجلس اللى اتحرق وقلبهم واكلهم على البلد.... اليس فيكم رجل واحد يقول لا اليس فيكم رجل واحد ابنا لمصر....ان مصر اليوم قد اغتيلت من الخلف ولا عزاء للرجال
من اقوال نجيب سرور


وتيجى تُجْرُد تلاقى الحسبه عال العال

مسددين الخانات والمِيَّه فى المِيَّه

فيه خانه ناقصه ؟.. حريقه فجأة مش ع البال

وكس أمى إن لاقيت حنفيه الميه

يا ريت تعود

النهاردة ..معنديش غير دة....مولاى انى ببابك

حديد على حديد ويفعل الله ما يريد

الاستاذ المهندس احمد بك عز

ولي امري

وولي امر كل الشباب الطافشين من البلد امثالي

تحية اجلال ونعمات وفتحية وام الخير

عزي العزيز

اعرفك انه باعت لكم مع الواد سيد ابو حسين مبلغ وقدره ستة الاف جنيه مصري عدا ونقدا

وهي كل ما قدرت استحصل عليه يا ابا الحاج احمد خلال الفترة الماضية

وده عشان عايز ابتدي اصب سقف المطرح بتاعي

حكم يا ابا الحاج احمد انا ناوي ادلى اجوز عالصيف الجاي

واوعدك يا ابا الحاج احمد ان كل مدخراتي ومستحوشاتي هتكون عندك اول باول لغاية اما نخلص السقف

انت عارف البت خضرة بت عمي احمد ابو اسماعين بت دلعة ونغشة

وامها النبوية محمد المرسي مشترطة ان بتها تسكن تحت سقف بالمسلح

زي كل بنات البندر

المقصد يا ابا الحاج

عشان ما اطولش عليك

وانا عارف ان وراك لجنة سياسات

ومجلس

وبلاوي متلتلة

دا غير العروسة الجديدة - ربنا يجعلها قدم السعد عليك ونشوف الحديد لما يبقى بعشر تلاف قادر يا كريم

غايته يا ابا الحاج احمد

العيال العفشة هنا قالت عليك كلام مش ولا بد

قالو عنك انك قليل اصل وهتاكل عليا فلوسي

ومش هترضى تصبر عليا في تمن الحديد المسلح

قلت لهم انتو اللي واطين وقلالات اصل

محدش يعرف المهندس احمد قدي

دا عز

وابن عز

ولا تمكن ابدا يقصر معايا في موضوع سخصي زي دون

دا قليل ان ما حسب كلفة السقف كلاته نقوطي في فرحي على البت خضرة بت عمي الحاج احمد ابوسماعين وخالتي النبوية المرسي

مختصر القول يا ابا الحاج احمد

مرسل لكم مع الواد السيد ابو حسين

مبلغ الستلاف جنيه تحويشة الاربع شهور اللي فاتو

وموبايل اوكيا بالسماعة الجيليت بلو توخاصته

وريسيفر تيشيتال من ابو شفرة مفكوكة واللي بيجيب تركيا واسرائيل

ربنا ينصرك على كل اللي يعاديك

ولا يطمع فيك ملط ولا زلط

ولا يشمت فيك عدو ولا حبيب

ويخليك عزنا وعزوتنا وسلام امانة يا باشا للجنة السياسات وجمال باشا كبير القعدة والحاج هشام طلعت وقولة ان ريحتة فى كل الدنيا طلعت والف رحمة ونور على الست سوزى تميم
ملحوظة...سمعت ان سيادتك حتوزع ثلاثين شقة ع الغلابة فى رمضان فى برنامج البيت بيتك...مش كتير يا باشا ثلاتين شقة والنبى يا ابا احمد خلى بالك من فلوسك شوية وبلاش بعزقتها شمال ويمين ولو لزم الامر هوة مشوار لحدانا فى السعودية وتعمل عمرة وتتطهر مع انى عارف انك طاهر ونظيف وسلام امانة للحاج نظيف وسلام كبير على طول السلام للحاج ابو جمال وقولة ان العزبة كلاتها وحشتنى وقلقان قوى يا ابا الحاج ابو جمال ارجع ملاقكش.....قول يا رب

التوكيع

واحد من رعاياك المتغربين

على باب مصر

ربنا يسهل

بقول لها..
بحبك بحبك بحبك..
قالتلي..
كل ده كذب..
قولتلها صدقيني..
لا أنا في المعارضة..
ولا ف الحزب..
قالتلي..
بس السكوت خيبة.. دة انا لولاولولا العيبة..
كنت أقول..
وأقول كمان..
الله يرحمك بقي ياما..
ويا ميت خسارة ع الجدعان..
قولتلها وطي صوتك..
بلاش جنان..
كل الحكاية..
أنا حاسس بشوية سخونة..
وبردان..
اديني بس إنتي شوية حنان..
وربنا يسهل..

كنت بهزر معاك ...لعلى سلامة

الواد ابنى ابو لسان طويل
قالى
يعنى سافرت يا بابا واتغربت
مشوار طويل
وف الاخر راجع..
ف شارع متفرع من شارع
وشقه فى الدور الرابع..
ودولار نزل طالع...
وشويا حاجات..
دكان مستنى التراخيص..
ومكنسه على خلاط
وكمبيوتر مش نافع...
من الاخر معرفتش تتصرف..
مقدرتش تقول
لاء
مش مسافر...
.....
منين الكحه دى يا بابا...
دى عمر..!!
ولابرد...
ولا سجاير..!
.....
انت عارف يا بابا انا بقالى اد ايه بستناك؟؟

ايه يا بابا
انت هاتعيط ....
ده انا كنت بهزر معاك...
»

حالة قرف

أوسخ شراب عندك .. هاته وبلّه يومين
وإكسر عليه بيضه .. ممششة بصفارين
وحط زبل حمام .. أيوة ، على الإتنين
وأضرب معاه زقلط .. حتقوللي أجيبه منين ؟
راح أقول أتصرّف .. وشوف بيتباع فين
وتف من بقك .. بعيد عن السامعين
وإعجنها وإتفرّج .. وإدعي على الظالمين
راح تبقى دي هيّة .. عشتي بقالي سنين


حالة قرف عند اشرف حمدى

عشق الحياة مش ترف...

على اسماعيل...حتة من قلب مصر..بتوجعنى..لما اسمعة

توضيح ...مش اكتر

ناس كتير بتسالنى انت لية حاطط موضوع هشام طلعت مصطفى فى دماغك...انا بكتب توضيح وبس انا مش ضد او مع موضوع القتل ولا دة يهمنى اصلا ولا لية اى صلة بكل الموضوع دة انا كل مشكلتى هوة ان النظام فى مصر سايب البورصة والاقتصاد ينهار على ايدين رجال اعمال... انا تهمنى مصر والناس الغلابة اللى عايشة فيها ومش لاقيين ياكلوا وفية مواطن مصري بيصرف على النسوان ثلاثين مليون جنية وفية اقتصاد بيتدهور وفية ازمة فى رغيف العيش وفية عبارات بتغرق وعمااااااااااااااااااااااااااار يا مصر

بمناسبة قرب حلول شهر رمضان...كل سنة وانتى طيبة يا مصر

كل سنه وانتى طيبه يا مصر
والريس بخير
ومحافظ ع القصر

كل سنه وانتى طيبه
ومبارك علينا
اكل قوت عيلنا
ومأربج رجلينا

كل سنه وانتى طيبه
وجمالك جمالنا
يومين ويمسك
ويجيب اجلنا

كل سنه وانتى طيبه
وعزك حديد
نشيد ونبنى
احنا العبيد

كل سنه وانتى طيبه
ونظيف تاريخك
يخصخص يبيع
ويبوظ رغيفك

كل سنه وانتى طيبه
ونظامك حبيب
مخوفنا كلنا
ومقوى الغريب

كل سنه وانتى طيبه
ومنصور شبابك
يغرقنا يولعنا
ويدفنا فى ترابك

كل سنه وانتى طيبه
واذهرك سيد
نقول ونفتى
ومع الصهاينه نعيد

تابع برنامج الشفافية وال ...لاعتراض بعض الاصدقاء على اللفظ

تسرب الى وسائل الاعلام تفاصيل كثيرة حول ملابسات انتقال سوزان تميم من القاهرة الى دبي وعلمت عرب تايمز من مصادر في دبي ان محمد العبار حوت الاعمار في دبي والساعد الايمن لمحمد بن راشد المكتوم هو الذي اقنع سوزان تميم بالانتقال الى دبي في اطار صراعه مع حوت الاعمار في مصر هشام طلعت مصطفى ... ويحمل العبار مصطفى مسئولية تعثر مشاريعه في مصر بينما يحمل مصطفى العبار مسئولية منعه من الاستثمار في دبي ... ووفقا لبعض التسريبات - في اوساط شيخات دبي - فان سوزان انتقلت الى دبي وبطرفها وثائق واشرطة فديو محرجة لهشام طلعت مصطفى هددت بتسليمها للعبار وتسريبها لوسائل الاعلام الامر الذي سرع في التخلص منها

وكان العبار قد فاز بمشروع اعماري ضخم في مصر بعد مزايدة ساخنة استمرت ثلاث ساعات خسر بعدها هشام طلعت مصطفى وفاز العبار بمشروع تنمية أكثر من 6 ملايين متر بالساحل الشمالي المصري، وبعد ان أوصلت سعر المتر الى 160.5 جنيه سابقة العرض التالي بـ25 قرشا في المتر فقط بما يعني أن التالي وهو احدى شركات مجموعة طلعت مصطفى خسر الصفقة بسبب 1.5 مليون جنيه تعادل 258 ألف دولار. وتضمن عرض إعمار إقامة مشروع عمراني وسياحي وإسكاني متكامل على مساحة 6.2 مليون متر مربع عند المنطقة الواقعة عند الكيلو 125 على الطريق الى مرسى مطروح وبطول 7 كيلومترات يشمل 4 آلاف غرفة فندقية الى جانب الفيلات والشاليهات والشقق الفندقية بإجمالي 9 آلاف وحدة سياحية. كما يتضمن إقامة ملاعب جولف ومراكز لليخوت وقاعة مؤتمرات دولية وأنشطة خدمية وترفيهية. وتبلغ التكلفة الاجمالية الاستثمارية للمشروع بكافة مراحله نحو 10 مليارات جنيه مصري (1.720 مليار دولار). وقال شفيق جبر، رئيس اعمار مصر «إن المشروع سيتم تنفيذه في غضون 5 سنوات ونصف السنة، مشيرا الى أن انشغال اعمار بأكثر من مشروع في مصر لن يحول دون قدرتها على الوفاء بتنفيذ المشروع في موعده». وكانت المزايدة قد تمت بأسلوب جديد هو تصويرها بدائرة تلفزيونية مغلقة ليشاهدها الوزراء والمسؤولون ولتوثيق ما دار فيها من مساجلات، لتكون مرجعيا عند نشوب أي خلاف، وبدأت المزايدة بقيام الشركة العربية للاستثمارات الفندقية والسياحية التي مثلها رئيسها هشام طلعت مصطفى بعرض 84 جنيها للمتر

وقدمت إعمار مصر التي مثلها رئيسها شفيق جبر 45 جنيها للمتر قدمه رئيس الشركة شفيق جبر، بينما عرض خالد أبو طالب ممثل أوراسكوم للفنادق والتنمية (يرأسها سميح ساويرس) 45.3 جنيها للمتر. فى الجلسة الثانية للمزايدة قدم هشام طلعت 151 جنيها واعمار 156 جنيها وانسحبت أوراسكوم، وفي الثالثة قدم طلعت 158 واعمار 159 جنيها، وفى الجولة الرابعة قدمت اعمار السعر الذي فازت به

وكانت اعمار العبار المصرية قد وسعت محفظة مشاريعها الاستثمارية في جمهورية مصر العربية بإطلاقها مشروعين جديدين متعددي الاستخدامات. ومن المتوقع أن يسهم هذان المشروعان في دفع عجلة الاقتصاد المحلي نحو مزيد من التقدم وتوفير فرص عمل جديدة للشباب المصري، وبالتالي تسهيل نمو القطاع السياحي وتعزيز أداء سوق العقارات المحلية. كشف النقاب عن المشروعين الجديدين محمد علي العبار، رئيس مجلس إدارة إعمار العقارية، في مؤتمر صحافي عقدته الشركة انذاك في القاهرة. وسيكون أحد المشروعين في منطقة التجمع الخامس ضمن القاهرة الجديدة والثاني على بداية طريق القاهرة- الإسكندرية الصح وينضم المشروعان الجديدان إلى مشروعي "أب تاون كايرو" و"مراسي" اللذين تعمل "إعمار مصر" على تنفيذهما في البلاد، حيث تستمر الأعمال فيهما بحسب الجدول الزمني المحدد مسبقاً. وتعتبر "إعمار مصر للتنمية" حالياً صاحبة أكبر استثمار أجنبي مباشر للقطاع الخاص في مصر، حيث تبلغ القيمة الإجمالية لمشاريعها 5.54مليارات دولار

سمعنى احلى سلام ...للشفافية

نشرت جريدة اليكترونية اليوم ان الساعد الايمن والمرافق الشخصي لهشام طلعت مصطفى في باريس اسمه امين السكري وهو ابن عم قاتل سوزان تميم محسن منير السكري ... ويقوم امين السكري الذي يحمل الجنسية الفرنسية على مرافقة وخدمة هشام طلعت مصطفى كلما القى رحاله في باريس .. كما علمت ان تداخل شيوخ النفط في حكاية سوزان تميم لا يقتصر على تأثيرات محمد العبار والشيخ نهيان بن زايدوانما يمتد الى الطرف القطري في القضية .. وللعلم فقط فان امين السكري مرافق هشام طلعت مصطفى هو ابن اخت بشير قنديل السكرتير الخاص للشيخ حمد بن جاسم رئيس الوزراء القطري وصاحب محطة الجزيرة وقد يكون هذا وراء تكتم الجزيرة عن حكاية سوزان تميم واذا اردت ان تكحل عينيك برؤية امين السكري توقف برهة في بار فندق ريتز في باريس فهو شبه مقيم في البار

ولكن اين الرابط السعودي في هذه العلاقة المتشابكة ؟ ... الرابط تجده في فؤاد خربوطلي السائق الشخصي للامير محمد الفيصل ( ابن بنت الامير سلطان ولي العهد ) ... فبعد طرد خربوطلي من خدمة الامير التحق بحاشية هشام طلعت مصطفى ... واذا اردتم المزيد من هذه التفاصيل المتداخلة عن علاقات الامراء والشيوخ بهذه النوعية من الاشخاص في باريس اسالوا محمد جهام الكواري سفير قطر في فرنسا .... فعنده الخبر اليقين

ا

منتهى الشفافية والعلوقية كمان

واحد رجل اعمال بيحب واحد فنانة عربية ومغرم بيها هوة حر...يقوم يعرف انها بتعرف واحد تانى رجل اعمل هية حرة...فالاولانى يبعت ناس تقتلها....ماشى ومالة...قوم يطلع جوزها ويرفع قضية ويتهمها بانها وصديقها اولانى عاوزين يقتلوة...هما احرار...رجل الاعمال دة تطلع اشاعة تقول انة هرب وخايف من المسائلة....عادى ما كلهم بيهربوا....والتحقيقات تقول ان القاتل ظابط شرطة متقاعد...مايضرش.....لغاية دلوقتى احنا بنتكلم فى قضية فساد اخلاقى وانهيار بعض رجال الاعمال امام الشهوة... ودى مشكلتهم هما.....اما مشكلتى انا بقة ان دين ام البورصة تتاثر وممكن ان تنهار علشان الشخص دة....طب سمعنى احلى سلام للبورصة وكمان سلام للبورصة....لما بورصة بلد كاملة ممكن تنهار علشان رجل اعمال يبقى سمعنى احلى سلام على طول السلام لرجال الاعمال....وبيقولك ان رجل الاعمال دة ادى القتيلة خمسة ملايين دولار وادى الراجل اللى قتلها مليون دولار يعنى من الاخر وبحسبة بسيطة الراجل صرف خمسة وعشرين مليون جنية علشان النسوان...طيب الفلوس دى جابها منين...وهوة عامل قروض من البنوك علشان مشاريعة الاستثمارية...واصلا الارض هوة اخدها من الدولة ببلاش كدة....واللى حصل ان الجريدة اللى كتبت فى الموضوع دة اتصادرت فى نفس اليوم واللى حصل كمان ان النائب العام اصدر قرار بعدم النشر فى الموضوع دة ... طب لية ...اكيد لعدم الاضرار بالاقتصاد العام...معروفة دى....منتهى الشفافية.... بصوا انا حاكتب شوية اسامى وكلمات جنب بعضها وانتوا رابوها واطلعوا بالنتيجة النهائية وتصبحوا على ...مش قادر اقول على خير....سلام
شرطة..سوزى...بورصة ..طلعت ...متقاعد ...مصطفى ...تميم ... مدينتى ....هشام ... قاتل... دبح....ملايين ...قروض ...النائب ...ارض...سفالة

وطن بائس...زمان بخيل...شعب تنح

الوطن العربى يحتضر ويفقد رجالاتة المخلصين يوما بعد يوم...وقطار الموت قد جاء مسرعا ينتقى الشرفاء فى هذا الوطن البائس...بالامس القريب فقدنا الدكتور المسيرى ثم المبدع يوسف شاهين و ابراهيم شكرى واخيرا محمود درويش..... لقد ابى هذا الزمان البخيل ان يترك لنا اناس تاثروا واثروا فينا وكان الوطن وهمومة اول اهتمامتهم...لست معترضا على ارادة الله فالله الحمد وكلنا للة عبد يفعل بنا ما يشاء....ولاكنى ادركت ان الموت يختار وينتقى الشرفاء...ولا اخفى عليكم قلقى وخوفى على الاخرين الذين مازالو بيننا....كم اتمنى ان يدرك قطار الموت كم نحن بحاجة الى هؤلاء الاناس ليصحوا فينا العزة والكرامة وكم نحن بحاجة الى ان ياخذ الموت اناسا اخرون لطالما عبثوا باقدارنا....لقد دمروا كل شئ ولا عزاء للرجال....ان وجدوا

يا ترحمونى يا تقتلونى ...والله قلبى اتوجع

أنا مصرى أبن مصرى وليا الشرف
برغم المهانة برغـــــــــــــــم القرف
برغم الزبالة اللى مالية الشــــــوارع
برغم الفســـــــــــاد اللى بيه اعترف
سمو معـــــــــــــــالى رئيس الوزارة
نتيجة موظف بسيـــــــــــــط انحرف
برغم المجاعة اللى داخلين عليهــــــا
وفينا اللى عـــــــايش حياته فى ترف
برغم البطــــــــالة فى أوضة وصالة
برغم أن أخر جنيـــــــــــــه اتصرف

برغم طـــــــــــابور الصباح السخيف
وكل منايا يادوب كــــــــــــــام رغيف
برغم أسايـــــــــا لمنظر عشايـــــــــــا
وأقول مش مهم يــــــــــا واد نام خفيف
برغم إنى شايف بــــــــــلاوى وساكت
وعايش مطنش كــــــــــــــــ... كفيف
برغم وزارة رئيسهــــــــــــ... حرامي
وشوفوا البجاحـــــــــــــة يقولوا نظيف
برغم الســـــــــــلام اللى غرقت بناسها
برغم العيـــــــال اللى ساكنة الرصيف

برغم حكومة شعـــــــــــــارها الكلام
ورغم رئيسنــــــــــــ... عليه السلام
ورغم أن كله يــــــــــــــا عالم بيغلى
إلا كرامتى بترخص قــــــــــــــــ...
برغــــــم إنى عايش في بلدى فريسة
ووجبة شهية لبعض اللئـــــــــــــ...
برغم أن كـــــــــــــل تاريخك يا بلدى
فى عهد جنابه كـــــــــــــلام فوق رخام
برغم ده كله يــــــــــــا مصر بحبك
وطظ فيهم ودا آخر كلام

شاعرنا المناضل محمود درويش فى ذمة الله

اسرة المدونة تنعى بالحزن والاسى رحيل الشاعر والناضل العربى محمود درويش ونتذكر وسنظل نتذكر محمود درويش باعذب الكلمات وها هى بعض من شعرة الذى ما زال فى ذاكرتى منذ الطفولة....فوداعا محمود درويش
أحنُّ إلى خبز أُمي

وقهوة أمي

ولمسة أُمي ..

وتكبُر في الطفولةُ

يوماً على صدر يومِ

وأعشَقُ عمرِي لأني

إذا مُتُّ,

أخجل من دمع أُمي !

خذينيِ إذا عدتُ يوماً

وشاحاً لهُدْبِكْ

وغطّي عظامي بعشب

تعمّد من طهر كعبك

وشُدي وثاقي ..

بخصلة شَعر..

بخيطٍ يلوِّح في ذيل ثوبك ..

عساني أصير ُإلهاً

إلهاً أصير..

إذا ما لمستُ قرارة قلبك !

ضعيني , إذا ما رجعتُ

وقوداً بتنور ناركْ ..

وحبل غسيل على سطح دارك

لأني فقدتُ الوقوفَ

بدون صلاة نهارك

هَرِمْتُ فردّي نجوم الطفولة

حتى أُشارك صغار العصافير

درب الرجوع .. لعُش انتظارِك!!

تضامنا مع سعد الدين ابراهيم

احمد عبد الهادى ...مين دة؟؟بيقولوا رئيس حزب شباب مصر؟؟؟شباب مصر هما فين شباب مصر ما كلهم يا برة مصر يا اما بيغرقوا لما بيحاولوا خرجوا برة مصر....المهم اكتشفت انة حزب كرتونى لا فائدة منة يمثل اى شئ على ارض الواقع....الاخ عبد الهادى رافع قضية على سعد الدين ابراهيم وبيطالب باسقاط الجنسية عنة...احا...مين يملك رفع الجنسية عن مواطن مصرى...اكاد اشك بل عنى شبهة يقين ان يكون احمد عبد الهادى قد قراء كتابا واحد او مقال للدكتور سعد الدين ابراهيم او حاول فهم من اى خلفية جاء هذا الرجل....ان ما فعلة سعد الدين انة طالب بربط المعونات الامريكية بالاصلاحات السياسية فى مصر وهذا اعتقد انة مطلباعادل جدا لكل مصرى يريد الاصلاح..اذا كان النظام يتربح من المعونات الخارجية من اجل الاصلاح السياسى فاليفعل هذا الاصلاح ونراة واقعا ملموسا على ارض الواقع ان النظام قد اساء التصرف وحان الوقت لمحاسبتة ....يا احمد عبد الهادى يا دكتور يا رئيس حزب شباب مصر ان من زج بك فى هذا المنحدر كل ما قصدة او قتل حزبك وهو مازال فى الرحم..حاول ان تصلح موقفك ان المصريين ليسوا بهذة السذاجة كى يلتفوا حول هذا الهراء......والمدونة تعلن تضامنها مع الدكتور سعد الدين ابراهيم وننتظر حكم الاستئناف فى الحكم الصادر مؤخرا..فلا داعى ان نتحدث عن الحكم الا بعد الصدور النهائى ليكون الحكم بات..... وتبقى الكلاب كلابا والاسود اسود..... ت

بعطش اليكى واحن واجوع...يا اسكندرية

شارعنا أهدى شارع فى المنطقة و ضلمته بعد تمانية بليل واللمب اللى متصلحتش من بعد ما بطلنا نلعب فيه , عبد الناصر من أول النفق بنزلايته ولحد الأكاديمية العربية , الشجرة اللى قدام بيتنا , إسكندر إبراهيم بالقهاوى بتاعته و الحريم بتاعته برضوه , بالسهر فيه لحد الصبح , بعجيبة اللى ميحلاش عليها الشاى إلا بعد واحدة بليل و الجو رايق وجميل, بزحمة و دوشة المنطقة دى فى الصيف ل أبوربيع و ساندويتشات الفول بالسدق للمصطبة اللى جنب أبو ربيع اللى كنت باكل عليها ل شوارع ميامى الجوانية و التوهان اللذيذ
فيها للنفس اللى تطلب جاتوه إتناشر بليل من عند كلاسيك و تشكيلة شرقى من عند شهد الملكة
تحية من قلبى لكل جامع حاولت أحفظ فيه القرأن ومكملتش للأسف و صلاة العيد فى شرق المدينة و الشارع مردوم ناس بتكبر للأنتعاش اللى بحس بيه و أنا راجع من صلاة الفجر
سلام كبير الصراحة للعب الكورة قبل و بعد المدرسة بالكورة البلاستيك أم نص جنيه لبتوع النشان للناس اللى بطلت تبيع قصب لعصام السحرى و القصص بتاعته والكورة البوليتكس أم تلاتة جنيه و نص لمحلات البلاى إٍستيشن
وبحر ميامى و سيدى بشر للمشوار المبهج و إحنا شايلين الشماسى و رايحين البحر للحفرة اللى بتتعمل لحد ما توصل إيطاليا , لسندويتشات الكفتة و السدق اللى بتتاكل و هى مليانة رمل من كُتر الجوع والجمل المعتادة اللى بتسمعها أول ما تدخل الشط زى البحر حصيرة النهاردة ., البحر فيه سحب , البحر فيه قناديل , الموج عالى النهاردة , المية صافية النهاردة إنت لو وقفت فى المية حتشوف رجليك , المية معفنة النهاردة الله يخرب بيت المصييفين , ماهو يا جماعة قولتلكم عايزين تنزلوا البحر الساعة سبعة الصبح قبل الشمس و الزحمة
سلام لبير مسعود ,و الناس اللى بترمى فيه فلوس و تتمنى أمنية و العيال اللى بتنط فيه و تطلع من الناحية التانية
و الكورة عالرملة و الفرهدة بعد ربع ساعة و راجل يعدى بالكاميرا بيصور الناس , عُمره ما أخدلى صورة
لشارع خليل حمادة لمحطة قطر سيدىبشر و الناس المتدلدلة من القطر الساعة سبعة الصبح لبتاع الجرانين و للمنتزة و أيام الصحة لما الواحد كان بيروح يلعب كورة من سبعة لسبعة للمعمورة اللى حبتها و أنا صغير و كرهتها لما كبرت وحسنى بتاع المشويات اللى عمرى ما حبيته ل فلفلة أجدع بتاع عصير فى إسكندرية و أحلى سودانى باللبن و سلام كبير للعيال اللى بطلوا يلعبوا فى شارعنا بحجة إنهم كبروا على اللعب فى الشارع
لفريق شارعنا للشاب المتطوع اللى بيقف قدام محل خميس علشان الكورة متدخلش عنده و سلام تانى لنفس الشاب اللى بيزهق بعد شوية من الوقفة و يبتدى يقولك نزلنى بدالك جون للناس اللى بتذعقلنا علشان الدوشة و إحنا بنكبر دماغنا و الأمهات اللى بيتنبح حسها فى المنادية على عيالها علشان يطلعوا يتغدوا و إحنا برضوه مكبرين دماغنا و كل واحد عربيته تعطل فى شارعنا و يقولك والنبى زقة يا كابتن ومحطة فيكتوريا الترام و أيام عبد الناصر و بنات ثانوى حدا الله ما بينى و مابينهم و سلسبيل بتاع العصير اللى قضى عليه الدكر بتاع العصير اللى فتح قدامه لمحل الكاسيت اللى بيعمل كوكتيلات غريبة للشارعين اللى بيطلعوا على المشاريع اللى ياما إحتارنا مين فيهم أقصر للناس اللى بتستنى المشروع الكبير اللى بيودى محطة مصر علشان هو بنص جنيه و الصغير اللى ناس مسمياه النينجا و ناس مسمياه التوناية و اللى أجرته واحد جنيه كامل سواء نازل فلمنج نازل المحطة أو إنشاالله حتى تكون نازل أول شارع الأقبال لسواقين المشاريع و هما بيجروا علشان الظابط جاى ل أبو خالد بتاع الفول رفيق أيام الثانوى
و تحية عالية أوى لسور مدرسة عبد الناصر اللى ياما رفعوه علشان التلامذة متزوغش بس برضوه ولادنا قدروا يعدوه , سلام لعبد الناصر برضوه علشان متزعلش , أحمد إسماعيل بتاع الفيزيا و اللى عقدنى فيها لأ لأ لأ
ل خالد إبن الوليد و خد عندك بقى من غير ترتيب سينما المنتزة اللى إتشالت من زمان و لسة إسمها موجود للرصيف اللى متقدرش تحط رجلك عليه فى الصيف لقهاوى خالد إبن الوليد ل أبو شوشة اللى بطلنا نقعد عليها بعد ماحط يافطة مبايعة حسنى مبارك للبيت الكبير و الناس اللى بتهيص كل ما برشلونة يدخل جون و نفس الناس برضوه تهيص لما يدخل فيه جون للدومينو و الطاولة اللى مينفعش تلعب بيهم برة للكوتشينة الممنوعة فى القهاوى فى إسكندرية متعرفش ليه لشارع محمد نجيب أجدع ملقف هوا فى إسكندرية للوسعاية اللى اللى ما بين محمد نجيب و البحر اللى ياما لعبنا فيها كورة و اللى حاطوا فيها حاجات غريبة علشان الناس متعرفش تلعب ل شيش طاووق مؤمن سيدى بشر أكتر محل أكل طلع عليه إشاعات فى الدنيا و المحل اللى فتح جنبه على طول و سمى نفسه مسلم للبحر و الكورنيش بجلالة قدره اللى مينفعش يتنسى و مينفعش يتكتب عنه لبياعين الدرة و اللب و السودانى و الفريسكا لشارع للوران و زيزينيا و سان إستفانو و قصر الصفا الوجه الأرستقراطى لأسكندرية لمول سان إستفانو اللى بقالهم عشر سنين بيبنوا فيه لبوكلى و قهوة الكيخة و عم على اللى مبيخافش من حد و بيزعق فى الكل و خطوط الترام الداخلة فى بعض متعرفش مين بيودى على فين وترام واحد و ترام إتينين اللى طول عمرى بتلغبط بينهم بس أنا فاكر إنى كنت بركب اللى يافططه زرقة علشان كان بيوصل أسرع
و التاكسيات الأصفر ف أسود اللى بيروحوا سيدى بشر بالعافية علشان الطريق زحمة
لكوبرى إستانلى اللى بيتلزق فى أى مسلسل أو فيلم علشان المخرج يقولك شفت علشان تصدقنى لما أقولك إننا بنصور فى إسكندرية
الناس اللى بتيجى تعدى البحر فتلاقى أقرب نفق على بعُد نص كيلو فتتشاهد و تاخده جرى على نفس واحد
و عندك شارع سوريا و شياكته و المعسكر الرومانى بإشارته الواقفة على طول للست اللى بتشحت فيها بالعافية لمكتبة النحلة و تصوير الورق إتنين بليل لسيدى جابر قلب الأسكندرية لسموحة حيث البنات الحلوة و الشباب الروش و الحكاوى القديمة عن سموحة الأرض الخراب اللى التاكسى كان بيخاف يدخلها لزهران قبلة أهل سموحة قبل ما جرين بلازا يفتح و ياكل منه الجو , لجرين بلازا أجمل المولات المفتوحة لكفر عبده و الجملة السخيفة و الضحكة اللزجة من كل غريب عن إسكندرية و هو بيقولك معقول أنضف حتة عندكم فى إسكندرية إسمها كفر عبده
الجزويت و نادى السينما و حفلات الجمعة ,الشاطبى و كلية الهندسة و العياذُ بالله و شارع بورسعيد اللى لازم تزوغ قبل الساعة إتناشر من الكلية علشان تعرف تركب منه و أبو قير و زحمته و دوشته
سلام من القلب لكل شاب ظريف متعرفوش يعرض عليك إنكوا تتشاركوا فى تاكسى بدل الوقفة البطالة دى
لمكتبة إسكندرية اللى ياما روحت فيها حفلات بس ولا مرة جالى نفس أقعد أقرا فيها كتاب
للمجمع النظرى و شبابه اللى بيروحوا يقضوا يوم ظريف
محطة الرمل و سمعنى أحلا سلام لمحطة الرمل و النبى كمان سلام لمحطة الرمل و صفية زغلول و سعد زغلول و الفوضى الخلابة بتاعة محطة الرمل و الناس اللى بتروح محطة الرمل من يمة الكورنيش و الناس اللى تروحها من شارع أبوقير تنزل عند المطافى و تخَرم منها تطلع عند سينما أمير و خدُ عندك بقى سينمات محطة الرمل و مكتبات الرصيف مركز الأبداع و مسرح سيد درويش و قهوة القاهرة و كابتشينو كافيه دى لابيه و الجرسون اللى أقنعنى إن الكابتشينو هو هو النسكافيه و إن دى بس شكليات ,روسترى ,شارع البطالسة لجوتة و الأسبانى و الفرنساوى و الروسى كمان ولأمريكانى اللى عمرى ما دخلته لطلبة الجامعة اللى بيزوغوا بدرى و يروحوا السينما تعظيم سلام كبير أوى ليهم للولاد و البنات اللى مشبكين إيديهم فى إيدين بعض و عايشين الوهم للركنة على السور الحديد أدام سينما أمير مستنين الصالة تفتح للفلاح و كبدته العظيمة للنبى دانيال و البياعين اليامة و الهلال اللى بتقفل حداشر الصبح لمحطة مصر اللى على طول بتوه فيها و نفسى أفهمها و حكاوى أمى عن الحتت اللى مدوستهاش فى إسكندرية زى راغب و غيط العنب و كرموز و كمان المنشية و محلاتهاو اللخبطة وسط الشوارع لنص ساعة مشى لبحرى و قهوة فاروق و صوبية طلعت و ناس كتيرة رايحة و جاية و النسكافيه فى كافيتريا الدايفنج و إنت سرحان فى البحر للقلعة و القعدة الحلوة قدام القلعة و الراجل الوحيد اللى بيبع حلبسة و شوية الهوا الحلوين
سلام كبير لدهب اللى بتستنى الفطيرة بتاعته لمدة ساعة لصواريخ فى بحرى لألبان عليكة الأكتشاف المتأخر جداً لقهوة الهندى اللى مينفعش توصف مكانها لحد للبن البرازيلى قبل التجديدات و بعد التجديدات لخروب أمال بعد كبدة الفلاح سلام كبير أوى لهريسة أحمد حسنين بكل فروعها الراجل اللى عُمره ما زود فى السعر
و أكتوبر و السهر لوش الصبح و الكوتشينة و الصحاب و الناس الغاليين أوى للعجمى حيث البيطاش حيث بيانكى حيث الحريم الجامدة و شقة صاحبنا اللى باعها بلاش
سلام و حنين جامد أوى لفيلم حلو حفلة إتناشر بليل يوم الجمعة فى سينما أمير تطلع منه ياخدك شارع صفية زغلول بالحضن
سلام كبير أوى للمشى فى الشوارع بليل مع الناس اللى بتحبها جنب شريط الترام أو على الكورنيش سلام كبير للأحلام الجميلة والفرقة اللى متعملتش و الأفلام برضوه اللى متعملتش ولا حتى إتكتبت للبنات اللى إتحبت من بعيد ومتقالهاش
سلام كبير للمطرة و إنت بتتفرج عليها من إزاز بيتكم و إنت بتجرى تحتها علشان تتحمى فى مدخل عمارة للشوارع الغرقانة فى شبر مية
سلام من قلبى لكل حاجة نسيت أكتبها غصب عنى مع إنى أكيد مش ناسيها