حصاد عام 2007

هيية دنيا ..كلها ساعات طالت او قصرت و تمشى 2007 و تيجى 2008 و يارايح كتر من الفضايح بس حنفضح اية ماهما فضحيتهم بجلاجل بقالها 25 سنة.....لما حاولت اعمل حصاد ل 2007 و على طريقة المجلات المصرية لقيت دة

اولا شخصية العام -- الفقر-- هوة فعلا شخصية عام 2007

ثانيا الحدث الاكثر تاثيرا --التعذيب

ثالثا افضل فيلم -- الحكومة تواصل دعم الفقراء

افضل اغنية --اغنية بحب الحمار

افضل مسلسل -- مسلسل غرق المصريين فى الهجرة غير الشرعية

افضل عمل كوميدى --- المحكمات العسكرية للمدنيين

افضل قصيدة--- التعديلات الدستورية

افضل اختراع -- التوك توك

افضل خيبة امل --انة لسة عايش

افضل الانشاءات --- انهيار عمارة لوران بالاسكنرية

وداعا 2007و يا اهلا بالمعارك 2008

طب لية

سمعت ان شرم الشيخ استعدت لاستقبال زعماء العالم لقضاء اجازة عيد الميلاد فيها وقبل ما نخش فى الموضوع نقولك مين اللى معزومين فى الفرح...ماشى
جورج بوش و مراتة..ساركوزى و الجيرل فرند بتاعتة عارضة الازياءو تونى بلير و يهود باراك وحمد بن عيسى وقابوس ابن سعيد وحيقعدوا فى فندق الفورسيزون بتاع الوليد بن طلال اللى حيكون هناك برضة امل اية مش صاحب الليلةو لازم يشوف طلبات الناس...تقوم سيادتك لما تقراء الكلام دة و انت قاعد بالباس و الفانلة المقطعة تهز راسك اعجابا بدولة مصر اللى انشات صرحا يستقطب الكبرات دول و يسبوا بلادهم الجميلة النظيفة و يهرولو الى شرم الشيخ و طبعا حتنسى فقرك و جوعك و تقعد تتابع اخبار الناس دى اية و هما بيبدو اعجابهم بالفول المصرى و الفطير و الملوخية او تحاول تعمل نفسك فاهم سياسة و تقول ان الناس دى جاية تعمل مؤتمر مع نفسيتهم لبحث مستقبل خارطة الطريق...ما علينا من دة كلة بس السؤال المهم (طب لية) كل سنة و هما طيبين و احنا لا لالا و اجازة سعيدة و بالمناسبة يعنى اية كلمة شرم

ميلاد سعيد

كل عام و انتم بخير وميلاد سعيد كل عام و انتم بخير من القلب

I wish for you marry chirstmas

يبقى انت اكيد فى مصر

لما يكون للشعب مظالم
قايم نايم فيها و عايم
و يقدمها لحاكم ظالم
فاهم انة محقق نصر
يبقى انت اكيد فى مصر
لما يكون النائب العام
قاعد على مكتبة بينام
والبلد اتشفطت من حوالية
بمطخات ولا حول الية
يبقى انت اكيد فى مصر
لما تكون ارض المحروسة
ارض الخير ارض الشموسة
مبتزرعش غير الكوسة
يبقى انت اكيد فى مصر
لما يكون فبلدنا مدارس
التعليم فيها فاشل بايظ
و ابنك حودة اسم الله علية
اتخرج منها و شغال حارس
يبقى انت اكيد فى مصر
لما يكون الاكل مسرطن
و الفاسد ع الارض استوطن
و الفقر على طهرك راكب
ومدلدل رجلية و متسلطن
يبقى انت اكيد فى مصر
لما الازهر و يا ابونا
القسيس فى الدين يخنونا
للطاغى الكافر يبيعونا
يبقى انت اكيد فى مصر
اكيد اكيد فى مصر..............

عشان انت مصرى... لازم تعانى>
> وتفقد كرامتك بكل المعانى>
> وتحرق فى دمك سنين مش ثوانى>
> واوعى تصدق كلام الأغانى>
> بتاع الحضارة وكانى ومانى>
> ده كله هجايص مايدخل ودانى>
> عشان انت مصرى العذاب بيناديك>
> بتبدأ فى يومك حاجات بترازيك>
> فى نومك فى قومك تعكنن عليك>
> تضايقك ولسه العماص فى عينيك>
> مافيش مية تشطف صابونة فى إيديك>
> وجسمك ملزق وريحتك عاديك>
> فتلبس وتنزل وفيك اللى فيك>
> ورايح لشغلك حتحتاج مواصلة>
> أدى المترو واقف وكهربته فاصلة>
> وفى الميكروباص خناقة وحاصلة>
> أوتوبيس فرامله عايزالها وصلة>
> وتوك توك ده تايه ومحتاج لبوصلة>
> بتوصل لشغلك بدم اتحرق>
> فى زحمة وكتمة وحر وعرق>
> رئيسك سايبلك كومة ورق>
> ده غير دمغة ضايعة وملف اتسرق>
> وفيه كام مواطن عامللك قلق>
> بيشكى تقول له روح اندعق>
> وعركة وهوجة وشاى اندلق>
> ومخك خلاص م الصداع اتفلق>
> هترجع لبيتك ده لو كان فى بيت>
> هتوصل هتندم ياريتك ماجيت>
> مراتك بتصرخ خلاص استويت>
> عيالك بتطلب وهات كيت وكيت>
> تزعق تِهاتى ياناس اتهريت>
> ولا حد سامعك مهما هاتيت>
> عشان انت مصرى وده للاسف>
> فلازم تقاسى تعيش تتقرف>
> وكل الأساسى فى حياتك ترف>
> فتنسى الكرامة وتنسى الشرف>
> وتسرق وتنصب أو تنحرَف>
> ودمعك بيجرى وجرحك نزف>
> مش انت اللى مصرى؟؟؟>
> جتك ميت قرف

كل عام و انتم بخير و عيد سعيد و اضحى سعيد

كل عام و انتم بخير كل عام وانتم مصريون وطنيون مخلصون تحلمون بالحرية...كل عام وليس بيننا خائن و ليس بيننا فاسد و ليس بينناحاقد او ظالم ...كل عام و مصر لا تورث لا تورث لا تورث لا تورث.. كل عام و مصر لا تدعى لجمال مبارك(واجعلة الوارث منا) كل عام ومصر منبع العز وليس عز امانة السياسات

مفهوم الحرية

الحرية هي قضية الإنسان منذ بدء وعيه وهي من طبيعته و«صراعه في الحياة متحدياً ومناضلاً في كل المحاولات الفاعلة لمصيره. يتناوب فيها أو يتلاعب بها، دون أن يمارسها كما يجب أن تكون ويرتد عنها مطالباً بها في إطار أسبابها الموجبة باسم القيم الإنسانية كذلك كان التاريخ حافلاً بالتناقض في هذا الصراع بين الإنسان بفرديته وبين واقعه الاجتماعي محاولاً كشف الحقيقة بفهم الوجود بين ذاتيته ومجتمعه.
الحرية يدرك حقيقتها إنسان المجتمع المنصهر كلياً في تجسيد مبادئ الحق والخير والجمال ويمارسها من ذوبان أنانيته وغرائزه. وهي عبء ثقيل ومسؤولية لمن يعي ويهتم بكل ما يعترض مسيرة الحياة. وإن أكثر النظريات تختلف بتحديد مفهوم الحرية بين آراء وفلاسفة الغرب والشرق. ونظرية الغرب تقوم على إزالة العوائق من طريق الإنسان ليفعل ما يشاء. ومفهوم آخر يدعو إلى الالتزام بفعل ما يتوجب على الشخص فعله. أرسطو وروسو وهيغل يدعون إلى أن الإنسان يكون حراً عندما يحقق ما يتوجب عليه تحقيقه. لوز وميل يقولان إن الإنسان حر ما دام طليقاً من القيود والحرية هي شرط أساسي للفضيلة وليست منفصلة عنها. في الأناجيل اعتبرت خدمة الله هي الحرية المطلقة، وحسب التعبير الديني هي تحرير الروح من قيود الجسد وبتعبير أدق هي تحرير الإنسان العاقل من قيود العواطف. أرسطو والأكويني يعتبران النظام متساوياً مع الحرية. والقانون هو أكثر مدى لمحاسبة الحرية لأهميته المطلقة يقول هيغل «إن الحرية تبلغ كمالها في الدولة وعلينا الاهتمام بالحرية على صعيد المفهوم والقيمة. ولا شك في أن المعرفة تولد قوة للعقل في فهم ارتباط الإنسان بوجوده في محيطه وتفكيره بالعالم الإنساني بالتفاعل والمشاركة. وللأدب والفنون والعلوم إعطاء لحركة معرفة المجتمع ـ فالمجتمع معرفة حقيقية دائمة وليس تخيلاً أو ابتداعاً. إن واقع الأمم بوجودها هو واقع مجتمعات إذ إن المفاهيم والدساتير التي تحدد علاقات الإنسان بمحيطه لها تأثير على التطور الذي ينقل هذا الإنسان من مفهوم الفردية إلى المجتمعية.
ويتضح له فهم الحرية من خلال تأدية الواجب. لقد تداعت النفوس لأسباب تيار المادة الجارف الذي أعمى البصائر واجتاح الأخلاق وطغى على الطبائع الإنسانية. وكثير من الناس لم يتقيدوا بالمبادئ وسقطوا وراء أهوائهم إرضاء لمصالحهم ومنافعهم الذاتية. لذا من منطلق الواجب خلق الوعي لدى هؤلاء الذين غشيت أبصارهم عن معالم الحقيقة، ومن الأهم لأبناء الأمة الملتزمين بمصلحة مجتمع الأمة الذي هو جوهر الحقيقة لنهضة الوطن العليا. هم المسؤولون في كل الأزمات أن يدركوا معنى وجودهم وأن يبرهنوا عن زهدهم بذوبان أنانيتهم لينالوا مكاناً ومحبة. فمن خضع للجوهر فقد سما. ومن يخدم الحق تحترمه النفوس وينل ما يستحق من التقدير، ويصل إلى ما يتمنى من مفهوم الحرية وراحة الضمير وبذلك يكون أداء الواجب بطوعية وإدراك هو كل الحرية وبهذه الممارسات يكون الشخص قوياً في محاربة شهواته ويصبح إنسان المجتمع بحق.
يقول سعاده: «إما أن نحيا أحراراً أو نموت أحراراً. وإذا كان لا بد من هلاكنا فعلينا أن نموت كما يليق بالأحرار، وإذا لم تكونوا أحراراً من أمة حرة فحريات العالم عار عليكم» فهو يوضح لنا أن الحرية لا يفهمها إلا أصحاب النفوس الكبيرة الذين يرون الحياة حرية وعزة. وأن دماءهم رهن لحرية أمتهم وسيادتها. فالحرية عند سعاده ليست حرية العدم. بل هي حرية الوجود. والوجود حركة صراع العقائد في سبيل تحقيق مجتمع أفضل. وكل أمة تريد أن تحيا حياة حرة مستقلة تبلغ فيها المثل العليا يجب أن تكون ذات وحدة روحية

مصريين ضد التعذيب

الشعار اعتقد واضح و الرسالة ايضا واضحة بس السؤال احنا لية مش عارفين نقطع ايد الجلاد برغم اننا اكتر منة وبيحركنا مضمون اهم من مضمونة احنا بيحركنا مفهوم راسخ جوانا ساكن فى حياتنا بنشوفة فى احلامنا فى ولادنا اللى بتكبر قدامنا (حريتنا حريتنا حريتنا)مش عاوزين نتكلم و خلاص لازم نشوف نعمل اية علشان حريتنا تبقى واقع ملموس عايشينة

مفهوم التعذيب

...التعذيب إشتقاق حديث تقابله ثلاثة إصطلاحات قديمة : العذاب والبسط والمُثلة . وقد استعمل الأولان في العصور الإسلامية بمعنى واحد يشير إلى إيلام الأسير أو المتهم على سبيل الإنتقام أو الحصول منه على الإعتراف بشيء ما . ومعنى البسط هنا بحسب الباحث العراقي الراحل" هادي العلوي " يتعدى عبارة (عليه) وهو بهذا المعنى مستعمل في دارجة بغداد ولكن متعدياً بنفسه فيقال : بسطه / بمعنى ضربه ، والمبسوط هو المضروب ، خلافاً للمراد منه في بعض اللهجات العربية الأخرى حيث يعني المبسوط المستريح والمسرور ، وهو إشتقاق من معنى الإنبساط يعني الإنشراح ، أما المثلة فهي تشويه الشخص حياً لأو ميتاً . ويقول الباحث العراقي " عبود الشالجي " : العذاب شعبة من شعب الظلم ، والظلم في اللغة : وضع الشيء في غير موضعه ، وفي الإصطلاح : إيذاء الناس وانتقاص حقوقهم وهو خلاف التقوى التي هي مخافة الله ، والعمل بطاعته . ويضيف الباحث : الضرب أقدم ألوان العذاب التي مارسها الإنسان ، ويتعذر على المؤرخ إحصاء ما ورد عن هذا اللون من العذاب ، وكان الضرب يمارس من أجل الإهانة والإيلام ، كما كان يمارس من أجل القتل ، وكان يمارس عذاباً أصلياً ، كما كان يمارس عقاباً إضافياً ، يقرن إلى الحبس ، أو قطع الأطراف ، أو غير ذلك من ألوان العذاب . التعذيب في اللغات اللاتينية ، إشتقاق من " السؤال " ، مَن؟ لماذا؟ كيف؟ متى ؟ أين ؟ . وفي الغالب يصاحب هذه الأسئلة التعذيب الجسدي ، ويخضع المُحَقَق معه بالتالي إلى الضرب والإذلال الجسدي بغية إستنطاقه وإجباره على الإعتراف .ويلخص الباحثون والفلاسفة الغربيون أهداف التعذيب في النقاط التاليه :1/ الحصول على الإعتراف أو المعلومات2/ تحطيم الفرد جسدياً ونفسياً3/ إرهاب الناس أو مجموعات إجتماعية 4/ زرع الخوف 5/ العقاب ويتم إخضاع " المحَقَق معه " إلى سلسلة من إجرائات التعذيب بغية تفكيك منظومة المقاومة الجسدية والنفسية لديه ، ليس من أجل الإعتراف أو الحصول على المعلومات فحسب ، إنما الهدف الأساسي هو العقاب ثم الترهيب والإذلال .وفي البلدان الديكتاتورية والشمولية العسكرية كعراق عهد صدام وسوريا ومصر والمغرب والجزائر وتركيا وبلدان جنوب أمريكا وبلدان أُخرى يأخذ التعذيب صيغة جماعية وتتعرض مجموعات إجتماعية او سياسية مغايرة مع السلطة السياسية السائدة إلى الإرهاب والتعذيب الجسدي والنفسي . في المجتمعات الإسلامية ، يستنتج ان هناك إرث لغوي وسياسي وديني وإصطلاحي غني حول التعذيب الذي طالما ارتسم ليس علي الجسد وحده ، بل أخذ يشمل جميع المستويات التي تمس الإنسان وكرامته وحريته وحقوقه في المحافظة والدفاع عن الذات . فالعذاب في الثقافة العربية والإسلامية وفقاً لعبود الشالجي يتجاوز صيغة السؤال أو المسائلة والتحقيق ويشمل بالتالي جميع الصيغ " الفعلية " والكلامية التي تهين الإنسان . فالشتائم والمسبات والتحقير والتصغير والإهانة والرذالة والمعايرة بالعاهات والأبوين وإطلاق صفات الزنديق والكافر أو عدو الله ، تدخل كل هذه المفردات في قاموس العذاب ذلك انها تقلل من إنسانية الإنسان .أما التعذيب الجسدي ، فهو شكل مُمارَس من أجل الموت في الغالب وأُستخدم فيه وسائل خارج المخيلة الإنسانية ، سواء على مستوى المكان (السجون ) أو المستويات الأُخرى المتعلقة بالضرب أو التعذيب حتى الموت ، أو تصوير الموت فيه . بغية إلقاء الضوء على التعذيب

الكمبيوتر

الصورة اللى ساعدتك شايفها دى صورة حاجة اسمها كومبيوتر॥عارفة॥اكيد سمعت عنة॥ويمكن كمان يكون عندك واحد زية يا بختك و يا بخت البلد بيك॥اة طبعا يا بخت البلد بيك ما اصل البتاع دة دماغ و معرفة بلا حدود و عيشة تانية و دماغ تانية॥اة امال اية॥فاكر اول ما اشتريتة كنت ماشى فى الدنيا و لا بيهمك حد ازاى و فاكر لما كان بيحلا لك تتعمد تفتح الاميل قدام اهلك و تقول يوووة هوة بعتلى تانى برضة مش حرد علية و ابوك يسالك فية اية تقولة بكل الاطة (لا ولا حاجة اصل البنك الفولانى عاوزين يدونى كرديت كارد و انا مطنشهم)و هوة يقولك ماشى انت حر و امك تقولك يا ابنى رد عليهم يمكن عاوزينك فى شغل و اختك تقولك دة انا سمعتة بيصفرلك و انت نايم.....طيب فاكر لما عمتك جت من البلد و قعدت جنب الجهاز يومين بحالهم علشان مستنية ابنها اللى فى ليبيا يطلع يكلمها و انت مش عارف تدخل الياهوو...يالا كانت ايام॥و اديك فهمت و عرفت و بقيت محترف كمبيوتر و قضيت كام سنة بتتفرج على الحريم و بعدين قولت بقة لازم تتطور شوية و عرفت ان فية حاجة اسمها البال توك و دخلتة و اخذت فية جولة مش بطالة لحد ما عرفت غرفة كفاية و اكلمك عن كفاية فى البوست الجاى ماشى...

شدى حيلك يا بلد

..مدد مدد مدد مدد شدى حيلك يا بلد ...دخلت مصر فى منعطف اقل ما يوصف بانة تاريخى॥

اعتصامات عمالية فى كل مكان تتندد و تصرخ فى وجهة الظلم ومظاهرات طلابية فى كل جامعة تعبر عن الغضب الذى يستشعرة ابناء المستقبل و مدونات اليكترونية بالالاف تفضح المتامرين على هذا البلد و صحفيين مصريون احرار يشهرون اقلامهم كالسيوف و جمعيات المجتمع المدنى تدافع عن المقهورين فى هذا البلد و طيور مصرية مهاجرة تجوب فى كل مكان فى العالملفضح النظام...حقيقى منعطف تاريخى يشبة بركان قرب ان ينفجر...فمدد مدد مدد مدد شدى حيلك يا بلد ب....