يبقى انت اكيد فى مصر

لما يكون للشعب مظالم
قايم نايم فيها و عايم
و يقدمها لحاكم ظالم
فاهم انة محقق نصر
يبقى انت اكيد فى مصر
لما يكون النائب العام
قاعد على مكتبة بينام
والبلد اتشفطت من حوالية
بمطخات ولا حول الية
يبقى انت اكيد فى مصر
لما تكون ارض المحروسة
ارض الخير ارض الشموسة
مبتزرعش غير الكوسة
يبقى انت اكيد فى مصر
لما يكون فبلدنا مدارس
التعليم فيها فاشل بايظ
و ابنك حودة اسم الله علية
اتخرج منها و شغال حارس
يبقى انت اكيد فى مصر
لما يكون الاكل مسرطن
و الفاسد ع الارض استوطن
و الفقر على طهرك راكب
ومدلدل رجلية و متسلطن
يبقى انت اكيد فى مصر
لما الازهر و يا ابونا
القسيس فى الدين يخنونا
للطاغى الكافر يبيعونا
يبقى انت اكيد فى مصر
اكيد اكيد فى مصر..............