خايف اصحى من النوم الاقى مصر طفشت

لما هيكل يقول كدة ...يبقى الامل فى التدوين

أنا متفائل بالصحافة المستقلة وبالمدونات وبروح الشباب عموما، لكن لست متفائلا علي المستوي القريب، لأني أعتقد أن هذه الفترة ستطول، وما يقلقني بشدة أن الاحتجاج يقابله عناد من الأنظمة، والوسائل التكنولوجية الحديثة للنقد والاحتجاج تقابلها وسائل تكنولوجية أشد قمعا وفتكا، وأوضح" "لا يوجد تليفون غير مراقب، والانترنت تحت الرقابة، والنقد في الصحف لا يتم سماعه أصلا"، وأضاف: "لقد انتهي عهد سقوط الحكومات بالمظاهرات، والحكومة تسقط حاليا بسبب تضارب المصالح".
كانت هذه الكلمات الجريئة والحازمه كلمات الكاتب الصحفى الأشهر فى مصر (محمد حسنين هيكل) , والذى كان ضيفا فى صالون الإمام محمد عبده الثقافى بدار القضاه .
وليست هذه هى المره الاولى التى يثنى فيها هيكل على الصحافه الإلكترونيه والمدونات , بل أن الأمر زاد به فى أحد اللقاءات إلى تحديد بعض المدونات التى يهتم بمتابعه موضوعاتها مثل مدونة (بهية) الشهيره , والتى تصدر بالإنجليزية .
وتعتبر تصريحات هيكل مليئة بالإحترام والتفاؤل لجيل الشباب المدون , والذى يتعرض لمحاوله قويه لتشويه صورته من خلال وسائل الإعلام المدسوسه عليه .

مكالمة السيد الرئيس ....بجد احا بقى

بيقــولك فى يووم من الايــام قــرر الرئيــس انــة يقول رقــم تلفونــة لشعبــةومــا ان قــال الريس رقــم التلفــون حتــا قــامت جميــع فــئــات الشعــب بمسك موبيلاتهــمعشــان يلحقــوا يسجلوا رقــم الريــسيــا بختة يــا سعــدة ال ينوول شـرف مكـالمـة الريــسالنـاس فى كل حتــة ملهــاش غير سيــرة رقــم الريــس ومين ال حيكلموا وحيقولوا ايــةفى الجــامعــاتفــى دور العبــادةحتــى الاطفــال كلــة بيجهــز عشــان لمــا يكلم الريــسوطبعــا الريس وافــق انــة ينشــر رقــم تلفوونة غصب عنــة لتحسين صورة الرئيس وزيادة شعبيته والتي أظهرت إستطلاعات الرأي أنها في تآكل مستمر ويتعرف بنفسه علي مشاكلهم وسبب عدم رضائهم عنه رغم مخاوفه الشديدة من كثرة التليفوناتوإمكانية تعرضه لمكالمات غير لائقة من مغرضين ومندسين بين صفوف هذا الشعب المدهش المطاوع المسالم المهاود بمجرد أن وافق الرئيس تم عمل حملة إعلانية ضخمة وغير مسبوقة في طول البلاد وعرضها للإعلان عن الرقم وتم كتابة الرقم علي لوحات مضيئة عملاقة أعلي العمارات والمباني الحكومية وكل خمس دقـايق اعلانــات فى التلفزيــونوكان الخلاف حول المكالمة هل تكون مجانية أم لا وتم حسم الموضوع بأن تكون هناك رسوم لزيادة الدخل وتنمية الموارد ودفع عجلة الإنتاج وعمل ودعم مشاريع الصرف الصحي والمياة وعمل نهضة تنموية مستقبلية جاءت ساعة الصفر .... وبدأت الخدمة ... وتلقي الرئيس عدة مكالمات المكالمة الأولي - ألو - أيون - إنت الريس - أيون يا حبيبي ... إيه مشكلتك - أنا ياريس دخلت قسم شرطة أعمل محضر قام الظباط والمخبرين ضربوني علي قفاياوجابوا ساعة رقمية وقعدوا يشوف من حيضربني أكتر علي قفايا في الدقيقةوما خلصوش إلا لما ظابط المباحث عمل رقم قياسي وضربني 80 قفا في الدقيقة لغاية ما قفايا ورم ونظري ضعف يرضيك كده ياريس وأنا ولا مجرم ولا حاجة أنا رايح أشتكي وأعمل محضر في الجيران - بص يا مواطن إحنا كلنا في خدمة الوطنوالشعب في خدمة الشرطة لما يكون ظابط بيحميك ويحمي أولادك إيده بردانة شوية وعايز يدفيها ويسخنها في قفاك ده يزعلك لازم تضحي شوية علشان الوطن - شكراً ياريس ربنا يخليك لنا ويخليك للوطن المكـــالمــة التــانيــة-الو- أيون- الريس معايا شخصياً- أيون ... قول يا مواطن ... إيه مشكلتك - أنا ياريس وغيري ملايين ساكنين في المقابر وتحت الكباري وفي عشش في ال ...في ال- أسكت ..إتكلم عن نفسك بس يا مواطن بلاش تعميم ... إنت عايز تعمل لي تنظيم علي التليفون؟ فاهم.. ولا أفهمك بطريقتي - فاهم فاهم يا ريس - كمل يا مواطن - نفسي في شقة من إللي بتتوزع علي لاعيبة الكورة والعقود إللي بتتوزع وبنشوف تصاويرها في التلفيزيون- واضح يا مواطن إنك مش متعلم ومش فاهم حاجة ... تسكينك في المقابر إنت وغيرك ده له حكمة عظيمة إنت عارف إن الدين بيأمرنا بزيارتها للموعظة والإعتبار من آن لأخر لكي نعرف أنها دنيا فانية وإنت محظوظ كل يوم وكل ساعة بتتعظ ... ده إنت تحمد ربنا إننا لم نأخذ منك ضريبة إتعاظ - طب ما تيجي ياريس تتعظ عندنا شوية - إخرس ... يا ..(....)دببببب وتم غلق الخط المكالمة الثالثة - ألو - أيون- الريس حبيبنا معانا - أيون أيوه كده ....إيه مشكلتك يا حبيبي ...؟؟- أنا ياريس شاب عندي 29 سنه ومتخرج بقالي 9 سنين ومش لاقي شغل ولسة بآخد مصروفي من والدي وقاعد علي القهوة طول اليوم ... نفسي أشتغل ياريس - أنت غريب قوي يا مواطن مش تحمد ربنا إننا مريحينك عايز تروح للشقي برجليك وبعدين مالها قعدة القهوة إتعلم منها حاجة تفيدك ممكن تبقي بطل شطرنج زي كسباروف وساعتها تعرف إن جلوسك علي القهوة كان مصلحة - ياريس عايز أكون نفسي - ما تكونها يا حبيبي حد حايشك ...؟- أكونها إزاي من غير شغل ..؟- إيه يا مواطن أنا ماسك أعصابي إنت عايز البلد تكون ملايين من الناسإحنا فاضيلنك ولا إيه..؟؟إحنا عندنا عيال بنكونها برضه خلي أبوك يكونك يا مواطن دبببب وتم غلق الخط المكالمة الارابعة - ألو ..صباح الخير ياريسنا يا جميل - ألوووووووووو...صباح الجمال ... أيوه يا شابة .. إيه مشكلتك وأنا أحلها لكي في فمتوثانية - أنا يا ريس عانس ... وصلت لسن 35 ومش لاقية عريس ... نفسي أتجوز زي البنات كلها ويبقي عندي بيت وأسمع كلمة ماما - هههههه ... إنت تحمدي ربنا جواز إيه وقرف إيه خلفة وطبيخ وواحد متخلف ينكد عليكي ومسئولية خليكي كده - ياريس ... نفسي أحب وأتحب - يا مواطنة ... حب الوطن كفاية عليكي - يعني أتجوز الوطن وأجيب منه عيال - يوووه ... إنت مش عجبك كلامي طيب دبببب وإنتهت المكالمة الي عــاوز تلفــون الريــس ادهوولـــة بس كــل واحــد يقولنــا لمــا يكــلم رئيــس دولـتـة حيقولــة اية

شعار حملة شاركنى فى الوطن

شاركنى فى الوطن

نقر نحن الموقعون ادناة اننا كمصريون اقباط كنا او مسلمين نعيش داخل مصر او خارجها باننا قد كرهنا وفاض بنا الكيل من العبث باقدارنا و مقدساتنا و بروح وحدتنا الوطنية وقد سئمنا من تخاذل السلطة و النظام فى وضع حد لوقف هذة الاحداث التى ظهرت مؤخرا على ارض مصر والمتامل لاحداث المنيا الاخيرة يتيقن ان هناك ايد خفية تعبث بالوطن بغرض اشعال نار الفتنة بين ابناء الوطن الواحد وان استمرار هذا الواقع المؤلم وتكرارة بهذة الصورة المهينة هو ما جعلنا نتحرك و نتكاتف من اجل الحفاظ على وحدتنا الوطنية فكان علينا ان نبدأ فورا بشن حملة لحماية المجتمع المصرى من الصراعات الطائفية املين ان تجد الحملة صداها لدى كل المؤسسات و الافراد كى ندفن نار الفتنة و نؤكد ان الامل الوحيد فى الحفاظ على الوطن و ابنائة هو الدفاع عن مصر وطن لكل المصريون اقباط و مسلمين مؤمنين بالله الواحد متعايشين و متضامنين تحت مظلة واحدة تظلل كل الوطن ......ومن هذا المنطلق فأننا نرى ان الخروج من هذة الازمة المفتعلة تتطلب سرعة البدء الفورى لشن هذة الحملة لحماية هذا الكيان من التأكل.....فمن اجل مصر كانت حملة ...... شاركنى فى الوطن

المشاركون فى الحملة....مدونات و موقع مصر العدل والحرية للجميع

مدونة اتكلموا

مدونة اقباط بلا حدود

مدونة زهرة البنفسج

اتحاد المدونون العرب

ان الدعوة مفتوحة لمن اراد المشاركة فى الحملة فقط اطبع الشعار و البيان وانشرة فى كل مكان متاح فية النشر ونرحب بكل الاراء و المطالب لانجاح الحملة

توقيع

المشاركون فى الحملة

القتل فينا مقاولة ...وعصابة و اسمها دولة

طالعتنا الجرائد الرسمية اليوم بخبر عن غرق خمسين مصرى قبالة السواحل الليبية...طب اشتم ولا اسب ولا اعمل اية ...هية البلد خلاص مش عاوزانا تانى يعنى الشباب اللى بيموت دة دمة بيروح بلاش...حوالى اكتر من الف شاب مصرى ابتلعهم البحر ...حوالى الف ام قلبها بيتقطع على ابنها والف بنت بتبكى حبيبها اللى راح...يعنى مفيش شغل و مفيش جواز و مفيش حياة والاخر موتة فى عرض البحر

بجد انا اتخنقت ومش لاقى حاجة اقولها ربنا يرحم الجميع

الكبير كبير ...يا محمد يا منير

استمعت مؤخرا و بعد غياب دام تقريبا ثلاث اعوام عن اصدار البومات جديدة الى محمد منير فى رائعة من احدث اصداراتة الفنية ....ومحمد منير عندما يغنى يشعرك انة يرسم لوحة فنية يدرك جيدا مفاتيح التحكم فيها من حيث الفكرة والالوان و الاطار الذى يصب فية هذة اللوحة ....منير يملك جبروت و الجبروت هنا ليس بجبروت الطغاة الذى نعرفة ولاكنة يملك جبروت الفن حيث ينقلك من حالة الى اخرى و يقلب عليك مشاعرك من اغنية الى اخرى ....ان منير قد ادرك جيدا من هم مستمعية و مريدية واحترمهم فاخترمة جمهورة و لقبة بالملك فلعب الملك دورة فى تشكيل وجدان هذا الجمهور ....ان منير قد نضج الى حد الحكمة فاخذ يتنقل فى شوارع الفن يبحث عن مضمون هادف ولعلة وجدة فى احمد منيب و فؤاد حداد و نجم ووجيهة عزيز وجاهين و الابنودى....ان منير حالة فنية تقف امامها و تحترمها حالة خالية من الاسفاف و التسطيح....يخرج علينا منير فى الالبوم الاخير ليغنى لحالة شديدة الاهمية و تجربة عمرها مليون عام ليقول .....مش محتاج اتوب حبك مش ذنوب ولا عشقك خطية...انا محتاج ادوب عشق وشوق و توب يا اجمل حاجة فيا ....انا محتاج اصلى و اشكر ربنا يا اجمل شئ حصلى من مليون سنة .....الم اقل ان منير لدية جبروت فمن اين جاء الفتى الاسمر بكل هذا الجبروت الفنى.....اعتقد انة ثمار سنوات طويلة وعمل شاق وبحث مضنى عن القيمة حتى اصبح هو ذاتة قيمة.......كنج