ان عشت فعش حرااااااا

اعزائى ... فية حاجات كتير بنعملها او بندخل فيها واحنا عندنا الرغبة الحقيقية للاصلاح او لفعل تغيير ولاكن بتكتشف ان هناك شروط كتيرة بينها وبين احلامنا سور عالى وان السور دة بيعلى كل يوم وبيقف حائلا بينك وبين اشباع الرغبة فى احداث اى تغيير ولو على المستوى الشخصى ودة بيادى الى حالة من الاحباط وبيعمق فكرة ان مفيش فايدة حتى وان ظهرت مؤشرات تلوح فى الافق البعيد ان الامل فى التغيير قادم لا محال ولان الحالة دى عندى من حوالى كام شهر ...انا قررت ان اتوقف عن اى عمل تدوينى نهائيا وان اقف موقف المتفرج فقط دون الدخول فى صراعات او مهتارات مع اناس اعرفهم او لا اعرفهم وان كنت على المستوى الشخصى سعيد جدا بكل كلمة كتبت فى المدونة وسعيد اكثر بامتداد شبكة علاقاتى الشخصية وبمعرفة اناس كثيرون على درجة عالية من الوعى والثقافة والمسئولية الفكرية ولاكن لابد من الخروج خارج المجتمع التدوينى والمدونة من الان متوقفة او معلقة

ثرثرة مع النفس

انا (ا . ش) المواطن المصرى الضاحك الباكى الضاحك فى الماتم الباكى يوم العيد مجنون انا عنيد متامر على الحياة .... اعتبر نفسى حالة او ان صح التعبير رئيس جمهورية نفسى.... عشقت الحياة الى درجة الجنون وكرهتها الى درجة العداء مارست معها كل انواع الزيلة وايضا الفضيلة... اعلنت غضبى عليها مرارا واشهرت سيفى فى وجهها وبارزتها وهزمتنى وفى مواقع اخرى انتصرت عليها عندما تجردت من متاعها عندما عرفت ان متاع الدنيا هو وسيلة لاستمرارها وليس غاية ...مارست فعل الدنيا باشكال كثيرة مرات من داخلها ومرات من خارج اطارها كالمتفرج فقط وكثيرا ما عنفتها وغضبت منها ولاكنى لم اكن يوما ناقما عليها وان كنت اعترف ان كل ما اكتسبة الانسان من رزيلة هو من تعاليم الدنيا ولاكنى وجدت فى الحياة ان هناك امور لا يختلف عليها كثيرون من الممكن ان تفعلها فى الدنيا بدون ادنى شك ان هناك عائد قادم او لا انما هى افعال اذا نجح بعض البشر فى تنفيذها فقد يسعدون البشرية جمعاء.... انى عشقى للحياة ليس بترف انما هية رحلة نستمر فيها الى نهاية مقدارتها وقد وجدت فى الدنيا الحب وبحثت عنة واضعتة ثم وجدتة واضعتة مرة اخرى ... ملعونة تلك الدنيا بلا حب او شريك ولاكن من الجائز جدا ان يكون الحب نتنثل فى اشياء اعمق من الحب الافلاطونى وتجدة فى حب الوطن او حب اشياء محبب اليك فعلها ولاكنك تبقى وحيدا ولا اعرف اذا كان هذا يعتبر انتصار ام انهزام .....
وبدور ع الحقيقة فى عيون كل البشر
وبشيل انا بين ضلوعى احلامى وارتحل
وباقابل فى الطريق اشكال من البشر
عايشين نفس الحكاية
وبالمح فى عيونهم دمعة من بكايا
وبركب بحر عالى
وباسرح فى خيالى
وافوق على السراب
ااااةةة يا امل كداب
خليت حياتنا عذاب
ومتوهنا وراك
ندور ع الحقيقة فى عيون كل البشر
وبدور بالدموع وبدور بالالم
وبحلم بالقلوع وبحلم بالقلم
اكتب بية الحكاية
والقصة للنهاية
واقولها للبشر
وبدور ع الحقيقة فى قلوب كل البشر

تسافل السلطة فى التعامل مع ازمة الحريات

اللى تهزة اشاعة موتة عيسى بقلمة داس جبروتة....هذا هو شعار الحملة القادمة فيا اهلا بالمعارك ... ان الصراع القادم هو صراع الحرية فقد ظلت مصر حبيسة الجهل والتاخر والفقر طيلة الربع قرن الماضى فلم يكتفى النظام بفسادة فقط انما سعى جاهدا لافساد كل اجهزة الدولة وقد نجح فعلا فى اغراقها فى بحور الفساد وكنت قد كتبت يوم حكم العبارة نعى انعى فية القضاء المصرى الذى انتقل الى بارئة بعد صراع طويل مع المرض ولاكنى اليوم لن انعى الحريات فالحرية مازلت باقية وسنصارع من اجلها واننا ماضون فى طريقنا الى حيث وجدت الحرية... وان كنت ارى ان الرئيس الذى تهزة شائعة موتة ويقدم كاتبها للحكم والسجن هو رئيس جبان ولا يجب ان يكون بيننا هذا القائد الجبان المتخاذل فباللة عليكم كفى تحدثا عن بطولااتة وعن ضربتة الجوية التى اخرست العدو.... اننى كمواطن مصرى اشعر بامهانة والمرارة كلما ادركت ان هذا الرجل الجبان ظل يجكم فينا ربع قرن....ولاكنى مازلت ارى رياح الحرية قادمة

المركب غرقت منك يا قبطان

وادى حريق تانى وادى مصيبة تانية ....حريق المسرح القومى...وادى فشل اخر للتعامل الامنى مع الحرائق...هية البلد بتتحرق من اية ...غضب من ربنا يعنى ولا غباء واهمال ولا دة مقصود بفعل فاعل .... الايام الحلوة متتنسيش ابدا وايامانا الحلوة بدءات خلاص من حريق الشورى لكارثة الدويقة لحريق القومى ...اللهم انك عفو كريم حليم واعفوا عنا وياما تاخدهم يا تاخدنا بس مش معقول اننا نصحى كل يوم على مصيبة مش معقول ان البلد بتتحرق وهما هما نفس الناس اللى بيظهرو فى التليفزيون من سنين علشان يطمنوا الناس ومفيش حد فيهم اتغير وبعدين السؤال هوة الباشا وزير الداخلية واو كبير العسس مبيظهرش خالص لية ...اية لية ....اة .. فى العمرة...حيكفر على اية ولا اية...وعيد سعيد

رسالة الى الوالى

حبيب الملايين عمرك افتكرت المقهورين الجعانين المذلولين فاكر اللى اتعذبوا من شعبك زى ما بيسمينا المجرمين ولا احنا شعبك ولا انت اشتريتنااحنا شعب مصر عليك غضبانين احنا اللى شوفنا الويل وفى عصرك متهانين احنا اللى سرقتم قوتنا ودمنا بقيتوا بايعين فاكر الاسرى المصريين فاكر العباره والقطر اللى دخل فى عماره فاكر كياس الدم اللى لوثها الفاسدين فاكر المحتاجين والمرضى المطحونين وفى تأمينك الصحى بقوا كلهم مساكين فاكر ولا نسيت سرقه الملايين فاكر اللى هربوا بفلوس المصريين وحماهم اعوانك اللى كلهم فاسدين يا ترى اتعلموها فين اكيد فى مدرستك يا مسكين ان كنت نسيت ده وده يا ترى حاتنسى انك ميت واحنا ميتين يا ترى حاتنسى انك فى الاخره حاتكون من الظالمين يا ترى حاتنسى انك فى الاخره حاتتحاسب عن حق الملايين يا ترى حاتنسى اننا حانكون لك مختصمين عند رب العالمين يا ترى حاتنسى ان النار تنتظرك وانت من الغافلين يا ترى حاتنسى ان الجنه يدخلها الاتقياء المؤمنين يا ترى انت حاسب نفسك منهم ولا من المتكبرين اكيد لازم تعرف ان الله هو العدل الحكم الحسيبوبحقنا كلنا متمسكين فى رقبتك انت يا مسكين

عظم اللة اجركم فيها

حتى كتابة هذة السطور وانا قاعد حزين على ما اناب مبنى مجلش الشورى المصرى ذالك المبنى العريق الشاهد على مراحل كثيرة فى الحياة السياسية المصرية....ولاكن انتبهت لحظة وقد شاهدت مبنى الضرائب الغير مجاور تشتعل فية النيران والامن منع بعض الموظفين من الدخول لانقاذ الاوراق والمستندات والملفات المهمة وتم منع جريدة البديل الطبعة الثانية من الطباعة فى مطابع الاهرام لنشرها معلومات عن الملفات المحترقة عن ممدوح اسماعيل وهشام طلعت مصطفى واخرين....لو كان دة اللى حصل فعلا بالاضافة الى الفشل الحكومى فى التعامل مع
الحريقة يبقى فية سؤال مهم...لو دة حصل فعلا يبقى للدرجة دى يا ولاااااااااااااااااد الوسخة البلد هانت عليكم للدرجة دى يكون التواطئ البلد اللى اخذتوا منها كل غالى ونفيس وعملتكوا نجوم اعمال وسياسة للدرجة دى....تحرقوا البلد....مصعبتش عليكوا ...دة الغلابة اللى طالع دين ابوهم فيها زعلانين على المجلس اللى اتحرق وقلبهم واكلهم على البلد.... اليس فيكم رجل واحد يقول لا اليس فيكم رجل واحد ابنا لمصر....ان مصر اليوم قد اغتيلت من الخلف ولا عزاء للرجال
من اقوال نجيب سرور


وتيجى تُجْرُد تلاقى الحسبه عال العال

مسددين الخانات والمِيَّه فى المِيَّه

فيه خانه ناقصه ؟.. حريقه فجأة مش ع البال

وكس أمى إن لاقيت حنفيه الميه

النهاردة ..معنديش غير دة....مولاى انى ببابك

توضيح ...مش اكتر

ناس كتير بتسالنى انت لية حاطط موضوع هشام طلعت مصطفى فى دماغك...انا بكتب توضيح وبس انا مش ضد او مع موضوع القتل ولا دة يهمنى اصلا ولا لية اى صلة بكل الموضوع دة انا كل مشكلتى هوة ان النظام فى مصر سايب البورصة والاقتصاد ينهار على ايدين رجال اعمال... انا تهمنى مصر والناس الغلابة اللى عايشة فيها ومش لاقيين ياكلوا وفية مواطن مصري بيصرف على النسوان ثلاثين مليون جنية وفية اقتصاد بيتدهور وفية ازمة فى رغيف العيش وفية عبارات بتغرق وعمااااااااااااااااااااااااااار يا مصر

وطن بائس...زمان بخيل...شعب تنح

الوطن العربى يحتضر ويفقد رجالاتة المخلصين يوما بعد يوم...وقطار الموت قد جاء مسرعا ينتقى الشرفاء فى هذا الوطن البائس...بالامس القريب فقدنا الدكتور المسيرى ثم المبدع يوسف شاهين و ابراهيم شكرى واخيرا محمود درويش..... لقد ابى هذا الزمان البخيل ان يترك لنا اناس تاثروا واثروا فينا وكان الوطن وهمومة اول اهتمامتهم...لست معترضا على ارادة الله فالله الحمد وكلنا للة عبد يفعل بنا ما يشاء....ولاكنى ادركت ان الموت يختار وينتقى الشرفاء...ولا اخفى عليكم قلقى وخوفى على الاخرين الذين مازالو بيننا....كم اتمنى ان يدرك قطار الموت كم نحن بحاجة الى هؤلاء الاناس ليصحوا فينا العزة والكرامة وكم نحن بحاجة الى ان ياخذ الموت اناسا اخرون لطالما عبثوا باقدارنا....لقد دمروا كل شئ ولا عزاء للرجال....ان وجدوا

شاعرنا المناضل محمود درويش فى ذمة الله

اسرة المدونة تنعى بالحزن والاسى رحيل الشاعر والناضل العربى محمود درويش ونتذكر وسنظل نتذكر محمود درويش باعذب الكلمات وها هى بعض من شعرة الذى ما زال فى ذاكرتى منذ الطفولة....فوداعا محمود درويش
أحنُّ إلى خبز أُمي

وقهوة أمي

ولمسة أُمي ..

وتكبُر في الطفولةُ

يوماً على صدر يومِ

وأعشَقُ عمرِي لأني

إذا مُتُّ,

أخجل من دمع أُمي !

خذينيِ إذا عدتُ يوماً

وشاحاً لهُدْبِكْ

وغطّي عظامي بعشب

تعمّد من طهر كعبك

وشُدي وثاقي ..

بخصلة شَعر..

بخيطٍ يلوِّح في ذيل ثوبك ..

عساني أصير ُإلهاً

إلهاً أصير..

إذا ما لمستُ قرارة قلبك !

ضعيني , إذا ما رجعتُ

وقوداً بتنور ناركْ ..

وحبل غسيل على سطح دارك

لأني فقدتُ الوقوفَ

بدون صلاة نهارك

هَرِمْتُ فردّي نجوم الطفولة

حتى أُشارك صغار العصافير

درب الرجوع .. لعُش انتظارِك!!

بطلوا تخاذل وخذوا موقف

دعوة لكل مصرى شعر بالمهانة والاستياء من براءة ممدوح اسماعيل ...اعمل اى شئ لعمل ضغط دولى على النظام المصرى لمحاسبة الجناة...اعمل مدونة او شارك فى وقفة احتجاجية او راسل منظمات دولية المهم انك تعمل اى شئ ...دم اخواتنا واهلنا مش حايروح هدر فى عرض البحر وناس تموت واهليها تتعذب والجانى حر طليق...ارجوكم اعملوا شئ...افعل شئ تحس بية انك انسان غير متخاذل..المصري طول عمرة صاحب موقف ضد الظلم...لا تتخاذلو فى محاسبة الجناة...كفى امتهان لكرامة المصريين فى الداخل والخارج....ارجوكم انضموا الى اى حملة لمحاسبة الجناة فى قضية العبارة الشهيرة

اوسكار الحكومة المصرية...واوو

لو سيادتك صحيت من النوم بشكلك اللى يقرف دة على صوت البوسطجى وجايبلك جواب وقبل ما تفتحة اقعدت تفكر يا ترى من مين يمكن من الجيش لا دة انا خلصت من سنة 1976 الجيش...طب يمكن حد رافع عليا قضية...او من المدرسة بتاعة الواد ابنك مصيبة لا يكونوا رفدوة من المدرسة...بص انت يا مواطن تخيلت اية كل شر بس عمرت ما فكرت ان ممكن يكون فى الجواب المسوجر دة خير ابدا..طب اهدا شوية وتعالى نفتح الجواب...اية دة دة دة دى دعوة شبة دعوات الافراح طب استنى كدة لما نقرا فيها اية...لا مش ممكن دى دعوة لحضور حفل الاوسكار فى مصر...احا هوة من امتى الاوسكار بيبقى فى مصر ...يا مواطن يا بارد اقرا الدعوة الاول...ايوة فهمت اصل الحكومة يتاعتنا من حرصها على دعم الديمقراطية وايمانا منها بحق المواطن فى الابداء براية الحر واستمرارا فى رسالتهافى نشر الوعى الفكرى لدى الجماهير واستكمالا فى تحقيق برنامج السيد الرئيس الانتخابى اللى فاضل فية حتة صغيرة قوى اللى هية بتاعة حانغنغكواو اغرقكو فى العز والحديد والذهب قامت عملت حفلة كبيرة علشان تعرف راى جنابك يا مواطن ..انت عاوز تدى الاوسكار السنة دى لمين وتسهيلا عليك علشان متفكرش كتير و تنتبهة لشغلك لدفع عجلة الانتاج ...حطنالك شوية اسامى وانت تختار منها الفائز بالاوسكار
1- الفقر
2- رغيف العيش
3- غرق ابنك فى العبارات
4-الاحباط
5-زيادة اسعار كل حاجة
6-تمديد قانون الطؤارء
7-امتداد وتوغل الطائفية
8-ازمة الحديد والاسمنت
9-قلة وضالة المرتبات
10- الثانوية العامة وتسريب الامتحانات
11-انتحار طالب ثانوى
12- التوريث
13-توقف الشارع السياسى عن ممارسة نشاطة
14-الشرطة طبعا فى خدمة القصر
15- حالة التراخى الشمولى لدى المواطنين
16- بعد كل دة لسة عاوز تروح حفلة الاوسكار
برضة لسة طيب حنستناك هناك ومتنساش الدخول بالبيجامة التاكسيدو ولو لسة محتار ومش عارف تختار احنا نختارلك بس لازم تعرف ان دى اخر مرة الحكومة حتساعدك فيها لان بعد كدة حنخصخص الاوسكار...يالا نشوفك هناك فى الحفلة