تابع برنامج الشفافية وال ...لاعتراض بعض الاصدقاء على اللفظ

تسرب الى وسائل الاعلام تفاصيل كثيرة حول ملابسات انتقال سوزان تميم من القاهرة الى دبي وعلمت عرب تايمز من مصادر في دبي ان محمد العبار حوت الاعمار في دبي والساعد الايمن لمحمد بن راشد المكتوم هو الذي اقنع سوزان تميم بالانتقال الى دبي في اطار صراعه مع حوت الاعمار في مصر هشام طلعت مصطفى ... ويحمل العبار مصطفى مسئولية تعثر مشاريعه في مصر بينما يحمل مصطفى العبار مسئولية منعه من الاستثمار في دبي ... ووفقا لبعض التسريبات - في اوساط شيخات دبي - فان سوزان انتقلت الى دبي وبطرفها وثائق واشرطة فديو محرجة لهشام طلعت مصطفى هددت بتسليمها للعبار وتسريبها لوسائل الاعلام الامر الذي سرع في التخلص منها

وكان العبار قد فاز بمشروع اعماري ضخم في مصر بعد مزايدة ساخنة استمرت ثلاث ساعات خسر بعدها هشام طلعت مصطفى وفاز العبار بمشروع تنمية أكثر من 6 ملايين متر بالساحل الشمالي المصري، وبعد ان أوصلت سعر المتر الى 160.5 جنيه سابقة العرض التالي بـ25 قرشا في المتر فقط بما يعني أن التالي وهو احدى شركات مجموعة طلعت مصطفى خسر الصفقة بسبب 1.5 مليون جنيه تعادل 258 ألف دولار. وتضمن عرض إعمار إقامة مشروع عمراني وسياحي وإسكاني متكامل على مساحة 6.2 مليون متر مربع عند المنطقة الواقعة عند الكيلو 125 على الطريق الى مرسى مطروح وبطول 7 كيلومترات يشمل 4 آلاف غرفة فندقية الى جانب الفيلات والشاليهات والشقق الفندقية بإجمالي 9 آلاف وحدة سياحية. كما يتضمن إقامة ملاعب جولف ومراكز لليخوت وقاعة مؤتمرات دولية وأنشطة خدمية وترفيهية. وتبلغ التكلفة الاجمالية الاستثمارية للمشروع بكافة مراحله نحو 10 مليارات جنيه مصري (1.720 مليار دولار). وقال شفيق جبر، رئيس اعمار مصر «إن المشروع سيتم تنفيذه في غضون 5 سنوات ونصف السنة، مشيرا الى أن انشغال اعمار بأكثر من مشروع في مصر لن يحول دون قدرتها على الوفاء بتنفيذ المشروع في موعده». وكانت المزايدة قد تمت بأسلوب جديد هو تصويرها بدائرة تلفزيونية مغلقة ليشاهدها الوزراء والمسؤولون ولتوثيق ما دار فيها من مساجلات، لتكون مرجعيا عند نشوب أي خلاف، وبدأت المزايدة بقيام الشركة العربية للاستثمارات الفندقية والسياحية التي مثلها رئيسها هشام طلعت مصطفى بعرض 84 جنيها للمتر

وقدمت إعمار مصر التي مثلها رئيسها شفيق جبر 45 جنيها للمتر قدمه رئيس الشركة شفيق جبر، بينما عرض خالد أبو طالب ممثل أوراسكوم للفنادق والتنمية (يرأسها سميح ساويرس) 45.3 جنيها للمتر. فى الجلسة الثانية للمزايدة قدم هشام طلعت 151 جنيها واعمار 156 جنيها وانسحبت أوراسكوم، وفي الثالثة قدم طلعت 158 واعمار 159 جنيها، وفى الجولة الرابعة قدمت اعمار السعر الذي فازت به

وكانت اعمار العبار المصرية قد وسعت محفظة مشاريعها الاستثمارية في جمهورية مصر العربية بإطلاقها مشروعين جديدين متعددي الاستخدامات. ومن المتوقع أن يسهم هذان المشروعان في دفع عجلة الاقتصاد المحلي نحو مزيد من التقدم وتوفير فرص عمل جديدة للشباب المصري، وبالتالي تسهيل نمو القطاع السياحي وتعزيز أداء سوق العقارات المحلية. كشف النقاب عن المشروعين الجديدين محمد علي العبار، رئيس مجلس إدارة إعمار العقارية، في مؤتمر صحافي عقدته الشركة انذاك في القاهرة. وسيكون أحد المشروعين في منطقة التجمع الخامس ضمن القاهرة الجديدة والثاني على بداية طريق القاهرة- الإسكندرية الصح وينضم المشروعان الجديدان إلى مشروعي "أب تاون كايرو" و"مراسي" اللذين تعمل "إعمار مصر" على تنفيذهما في البلاد، حيث تستمر الأعمال فيهما بحسب الجدول الزمني المحدد مسبقاً. وتعتبر "إعمار مصر للتنمية" حالياً صاحبة أكبر استثمار أجنبي مباشر للقطاع الخاص في مصر، حيث تبلغ القيمة الإجمالية لمشاريعها 5.54مليارات دولار

منتهى الشفافية والعلوقية كمان

واحد رجل اعمال بيحب واحد فنانة عربية ومغرم بيها هوة حر...يقوم يعرف انها بتعرف واحد تانى رجل اعمل هية حرة...فالاولانى يبعت ناس تقتلها....ماشى ومالة...قوم يطلع جوزها ويرفع قضية ويتهمها بانها وصديقها اولانى عاوزين يقتلوة...هما احرار...رجل الاعمال دة تطلع اشاعة تقول انة هرب وخايف من المسائلة....عادى ما كلهم بيهربوا....والتحقيقات تقول ان القاتل ظابط شرطة متقاعد...مايضرش.....لغاية دلوقتى احنا بنتكلم فى قضية فساد اخلاقى وانهيار بعض رجال الاعمال امام الشهوة... ودى مشكلتهم هما.....اما مشكلتى انا بقة ان دين ام البورصة تتاثر وممكن ان تنهار علشان الشخص دة....طب سمعنى احلى سلام للبورصة وكمان سلام للبورصة....لما بورصة بلد كاملة ممكن تنهار علشان رجل اعمال يبقى سمعنى احلى سلام على طول السلام لرجال الاعمال....وبيقولك ان رجل الاعمال دة ادى القتيلة خمسة ملايين دولار وادى الراجل اللى قتلها مليون دولار يعنى من الاخر وبحسبة بسيطة الراجل صرف خمسة وعشرين مليون جنية علشان النسوان...طيب الفلوس دى جابها منين...وهوة عامل قروض من البنوك علشان مشاريعة الاستثمارية...واصلا الارض هوة اخدها من الدولة ببلاش كدة....واللى حصل ان الجريدة اللى كتبت فى الموضوع دة اتصادرت فى نفس اليوم واللى حصل كمان ان النائب العام اصدر قرار بعدم النشر فى الموضوع دة ... طب لية ...اكيد لعدم الاضرار بالاقتصاد العام...معروفة دى....منتهى الشفافية.... بصوا انا حاكتب شوية اسامى وكلمات جنب بعضها وانتوا رابوها واطلعوا بالنتيجة النهائية وتصبحوا على ...مش قادر اقول على خير....سلام
شرطة..سوزى...بورصة ..طلعت ...متقاعد ...مصطفى ...تميم ... مدينتى ....هشام ... قاتل... دبح....ملايين ...قروض ...النائب ...ارض...سفالة

تضامنا مع سعد الدين ابراهيم

احمد عبد الهادى ...مين دة؟؟بيقولوا رئيس حزب شباب مصر؟؟؟شباب مصر هما فين شباب مصر ما كلهم يا برة مصر يا اما بيغرقوا لما بيحاولوا خرجوا برة مصر....المهم اكتشفت انة حزب كرتونى لا فائدة منة يمثل اى شئ على ارض الواقع....الاخ عبد الهادى رافع قضية على سعد الدين ابراهيم وبيطالب باسقاط الجنسية عنة...احا...مين يملك رفع الجنسية عن مواطن مصرى...اكاد اشك بل عنى شبهة يقين ان يكون احمد عبد الهادى قد قراء كتابا واحد او مقال للدكتور سعد الدين ابراهيم او حاول فهم من اى خلفية جاء هذا الرجل....ان ما فعلة سعد الدين انة طالب بربط المعونات الامريكية بالاصلاحات السياسية فى مصر وهذا اعتقد انة مطلباعادل جدا لكل مصرى يريد الاصلاح..اذا كان النظام يتربح من المعونات الخارجية من اجل الاصلاح السياسى فاليفعل هذا الاصلاح ونراة واقعا ملموسا على ارض الواقع ان النظام قد اساء التصرف وحان الوقت لمحاسبتة ....يا احمد عبد الهادى يا دكتور يا رئيس حزب شباب مصر ان من زج بك فى هذا المنحدر كل ما قصدة او قتل حزبك وهو مازال فى الرحم..حاول ان تصلح موقفك ان المصريين ليسوا بهذة السذاجة كى يلتفوا حول هذا الهراء......والمدونة تعلن تضامنها مع الدكتور سعد الدين ابراهيم وننتظر حكم الاستئناف فى الحكم الصادر مؤخرا..فلا داعى ان نتحدث عن الحكم الا بعد الصدور النهائى ليكون الحكم بات..... وتبقى الكلاب كلابا والاسود اسود..... ت

عصابة واسمها دولة

مبارك تورز...سكة اللى يروح ميرجعش ولو فكر يرجع حيلاقى رجالتنا على هيئة سمك قرش قاعد مستنية فى عرض البحر ولو ركب القطر حيبنقلب بيةو لو فكرت ترجع برى حوادث الطرق برضة عندناولو عديت من كل دة يبقى مكانك فى المعتقل يا ابن المحظوظة تاكل وتشرب وتتعذب وعيش يا معلم...وعندنا كمان باكدج كاملة يعنى ممكن ناخدك فى رحلة عذاب لطول العمروعلى فكرة العرض غير محدود ومفتوح لكل المصريين فبادر واحجز مكانك من الان فرصة قبل ما نخصخص التعذيب....مبارك تورز سكة اللى يروح وميرجعش....وانت جاى جاى

حب من طرف واحد

--------------------------------------------------------------------------------

عشان حبك على الاخر...وبيسافر فى التباريح
واحساسك ماهوش كافر..بقلبى اللى انتفض ف الريح
بقواهالك بدون تجريح ...انا واخد على خاطرى قوى منك
عشان خاطرى مجاش ولا يوم على خاطرك
برغم انى بامد ايدية للحلم اللى تتمنية
وبارجع بية على كفى
وكل سنينى لو تنادينى ما تكفى
تكون مهرك...تكون فجرك
تكون طوبة فحيطان قصرك
وبرجع باحلامى من تانى باحساسى بوجدانى
الايكى ملاوعانى وطاوياها وطويانى ورا ضهرك
وانا اللى رافع اذان عصرك
اشعلق عينى فى البتارين و حلم العريانين سترة
واغمس لقمتى بدمى عشان نقدر نعيش بكرة
ونتهجى حروف اسمك على السبحة..فى كل صباح
عشان نرتاح مفيش راحة
وبرغم انى فى بعدك حرررر.لاكنى سجين فى احلاامى
فى عتمة صمتى فى كلاامى اللى ماقولتوش
و سؤالاتى اللى ماتجاوبوش
ومش قادر اكون جاحد
واقدم لك سؤال واحد و اقول الرد اجبارى
ح اسيبك انتى تختارى
لغاية امتى يا حبيبتى يا مصيبتى
ح اخبك من طرف واحد

وداعا يوسف شاهين

المدونة تنعى بالحزن والاسى وفاة فارس من فرسان السينما المصرية
يوسف شاهين

************

يوسف جبريل شاهين (من مواليد 25 يناير 1926) هو مخرج سينمائي مصري . بدأ الدراسة في مدرسة سان مارك (CollègeSaint-Marc) ، ثم انتقل إلى الكلية الإنجليزية ( ذه إينجليش كولدچ - The English College) حتى حصل على الشهادة المدرسية الثانوية - بعد سنة في جامعة الإسكندرية انتقل إلى الولايات المتحدة وأمضى سنتين في دار پاسادينا المسرحي (پاسادينا پلاي هاوس - Pasadena Play House ) ليدرس صناعة الأفلام والفنون الدرامية.

بعد رجوع شاهين إلى مصر، ساعده المصور السينمائي ألڤيز أورفانيللي (Alvise Orfanelli) بالدخول في العمل بصناعة الأفلام . كان أول فيلم له هو بابا أمين (1950) . وبعد عام واحد شارك فيلمه ابن النيل (1951) في مهرجان أفلام كان .

في 1970 حصل على الجائزة الذهبية من مهرجان قرطاچ . حصل على جائزة الدب الفضي في مهرجان برلين عن فيلمه إسكندرية.. ليه؟ (1978) ، وهو الفيلم الأول من أربعة أفلام تروي عن حياته الشخصية ، الأفلام الثلاثة الأخرى هي حدوتة مصرية (1982) ، إسكندرية كمان وكمان (1990) و إسكندرية- نيويورك (2004) .

في 1992 عرض عليه چاك لاسال (Jacques Lassalle) أن يعرض مسرحية من إختياره للكوميدي فرانسيز (Comédie Française). إختار شاهين أن يعرض مسرحية كاليجولا - لألبير كامي (Albert Camus) والتي نجحت نجاحًا ساحقـًا . في العام نفسه بدأ فى كتابة فيلم المهاجر (1994)عن قصة مستوحاة من الشخصية التوراتية يوسف ابن يعقوب. تمنى شاهين دائمًا صنع هذا العمل وقد تحققت أمنيته في عام 1994 - وبعد 46 عامًا و5 دعوات سابقة لمهرجان كان ، حصل على جائزة اليوبيل الذهبي من مهرجان كان في عيده الخمسين عن فيلمه المصير (1997) .

القائمة الكاملة بأفلامه السينمائية :

******************

- بابا أمين (1950)

- ابن النيل (1951)

- المهرج الكبير (1952)

- سيدة القطار (1952)

- نساء بلا رجال (1953)

- صراع في الوادي (1954)

- شيطان الصحراء (1954)

- صراع في الميناء (1956)

- ودعت حبك (1956)

- انت حبيبي (1957)

- باب الحديد (1958)

- جميلة الجزائرية ( 1958)

- حب إلى الأبد (1959)

- بين ايديك (1960)

- نداء العشاق (1960)

- رجل في حياتي (1961)

- الناصر صلاح الدين (1963)

- بياع الخواتم (1965)

- فجر يوم جديد (1965)

- رمال من ذهب (1966)

- عيد الميرون (1967) - فيلم قصير

- الأرض (1970)

- الاختيار (1971)

- سلوى (1972) - فيلم قصير

- الناس والنيل (1972)

- انطلاق (1973) - فيلم قصير

- العصفور (1974)

- عودة الابن الضال (1976)

- أسكندرية... ليه؟ (1979)

- حدوتة مصرية (1982)

- وداعًا بونابارت (1985)

- اليوم السادس (1986)

- اسكندرية كمان وكمان (1990)

- القاهرة منورة بأهلها (1990) - فيلم قصير

- المهاجر (1994)

- المصير (1997)

- كلها خطوة (1998) - فيلم قصير

- الآخر (1999)

- سكوت ح نصور (2001)

- إسكندرية- نيويورك (2004)
هي فوضى (قريبًا)

ولا انهزام ولا انكسار ولا خوف ولا ولا حلم نابت فى الخلا

للة حمد وكلنا لله عبد وحمد الله على السلامة وسلامتكم من الاهة